الحروف فرحانة بيك

(مهداه إلى الشاعر والناقد الكبير رفعت المرصفى)

يا للى فاتح لينا قلبك
للصُّغير والكبير
يا للى دارك هىَّ دارنا
والصالون أكبر دليل
الحروف فرحانة بيك
والشعر والفن الجميل
فـى احتضانك للمواهب
يا ما قدّمت الكتير
وابتسامتك ليها معنى
طرحها زى العبير
يا للى فاتح لينا قلبك
للصُّغير والكبير
أصل دراك هىّ دارنا
هىّ بيتنا من زمان
لما أسّست الصالون
واتفرش فرحة وأمان
وابتدا يبقى لنا دور
فى الثقافة والمكان
يا للى بنحس فـى لقاك
بالأخوّة والحنان
ألف همسة شكر ليك
نهديها لك بامتنان
. . . . . . . . . . .
فى الشهامة ليك قصور
وفـى صالونك ألف نور
والحروف لو كات بتنطق
كات قالت لك يا أمير
والكرم لو له ملامح
كان فـى يوم منك يغير
يا للى فاتح لينا قلبك
للصُّغير والكبير
الحروف فرحانة بيك
والشعر والفن الجميل
بيتك بالحفاوة يضمنا
كل شهر فـى ندوتك بتلمنا
فى حوارى مرصفا
بين الحبايب والمنى
القصايد بينا تفرح
والموسيقى والغُنا
والحوارات الجميلة
والفكاهة والهنا
وفـى نهاية الأمسية
صار وداعك للجميع
زى أروع أغنية
وفــى نهاية الأمسية
صار وداعك للجميع كالتوصية
"اللُّقا دَايما هنا"
"اللُّقا دَايما هنا" .