بشرة سلام

عمر الغراب ....

ما بيخلف حمام

ولا الحدادى .....

ح تحمى اليمام

ولا البوم ح يجيله يوم

يرفرف يحوم

فوق أرضنا

ويجيب لنا بشرة سلام

 

هى دى حقيقة فهمنا

عرفينها حافظينها

زى إسمنا

واللى يجادل

جاهل غبى

لا يعرف ربنا

ولا له نبى

صدق كلاب الأعادى

ومهما يطبطب

ومهما يدادى

طبع التعالب

غالب دوام

عمر الغراب

ما بيخلف حمام

 

لإمتى يا عالم

ح نفضل نطاطى

ونركع ونسجد

أدام كل واطى

ونقطع لسانا

ونقصف قلمنا

ونقيد إدينا

وان حد فينا خايف علينا

نغمض عنينا

عن كل صورة

تظهر جسورة

صاحية وغيورة

نشوش عليها

ونروح ننام

عمر الغراب

ما بيخلف حمام