الأحد ١٠ أيار (مايو) ٢٠٠٩
بقلم محمد جاد

دا سِلونا

على كتف راجل ينام الهرم

وشاعر شعوبه حبر القلم

ونصرخ بِصمت ..

وناكل حلال من كَدنا

دا سِلونا

طواحين تدور..

تملى الماجور زاد للغريب

عصيان تِحطب .. شربات يِرطب

وحصان بيرقص عليه عريس

والشقيانين المعزومين فرحانين

والمداحات بيغنوا والمداحين

مش غضبانين .. إن وسطيهم غريب

دا سِلونا

الكام فِ كام بتساوى كام .. مش طبعنا

راجل يناسب يكون مناسب من دمنا

يعرف يحاسب بيخاف مُحاسب

نشيله أمة على كتفنا

دا سلونا

فتشوا جوه المدافن ..

ها تلاقوا فيها مليون علم

إتلفوا فيهم مليون شهيد

فِ دولابنا كام مليون علم

متجهزين .. مش قلقانين ..

طول ما الإيدين ماسكين قلم ..

دا سِلوانا


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى