الوطن

الوطن

حبة كلام

مبيعرفوش ريحة الدفا

تلات حرف متبعترين

مين اللى جاى يلمهم

طعم الضجبج

زحمة صراخ

وبندقية

عماله تدبح حلمنا

جثة عروبة

مش لاقيه قبر يلمها

الوطن

مش بس واحد

الوطن أحلام كتييير

أصوات بتصرخ م الأنين

حبة بطون مش قادرة تشبع

م الوعود

حبة عقول

أحلامها بس تعيش

على جناح الكرامة

الوطن

لعبة كبار

شاطرين قوى

فى لعب القمار

البنت ف إيديهم ولد

والآس ولد

والشايب العايب الكبير

برضك ولد

بيقشوا كل الترابيزات

حتى المعونة والمدد

إهرب يا صاحبى من إيديهم

لم الجراح وإهرب بعيد

معدتش فاضل غير بقيتك

وطمعوا فيه