الثلاثاء ٣ شباط (فبراير) ٢٠٠٩
بقلم ماهر حجاج

فرعون

عشت لشعبك يا فرعون

إحنا وراك مليون مليون

اللي يخالفك يوم مجنون

ده أنت الهرم التالت

لحكامنا أصحاب النون

أولهم فارس مغوار

كان سيفه لعبة أطفال

والتاني أبو الأفكار

بغصن زيتون ناشف صبار

عشت لشعبك يا فرعون

وبالسلطة أفرح وأهتم

وبأيدك خدنا وودينا

لطريق كله ندامة وهم

أعوانك كتروا يا فرعون

خلوا حياتنا كلها غم

في كل مكان

بقى ليك هامان

وما اتعلمتش درس زمان

الظالم ها يجيله اليوم

وطريقه يتملى بغيوم

بحراسك والعصيان والشوم

وطوارئ خليتها قانون

ثبت عرشك

وإعلا وإعلا

وهاييجى اليوم

فيه تستعلا

وتقول، أنا ربكم الأعلى

ما أعوانك سموك الرمز

يوم ورا يوم بنتأخر

ومعاك أحلامنا بتتبخر

وإتعودنا على الأزمات

ولو قولنا عاوزين نختار

ويطلع لنا يوم له نهار

ها تقول هيهات هيهات

ومين سابه قبل الممات

ودي سيرة من قبلي وفات

عشت لشعبك يا فرعون


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

 الشاعر الشعبي: ماهر إبراهيم حجاج- اسم الشهرة: ماهر حجاج- مواليد مصر في ١٣ كانون آول، ديسمبر ١٩٦٠ في القاهرة، مصر- العنوان الحالي: الرياض، المملكة العربية السعودية- الجنسية الأصلية: مصرى- التخصص الجامعي: نظم معلومات ادارية- اسم الجامعة، والدولة التابعة لها: جامعة عين شمس، مصر- سنة التخرج: 1983م- الشهادة الجامعية: بكالوريوس- التخصص الأدبي: الشعر

من نفس المؤلف
استراحة الديوان
الأعلى