السبت ١١ تموز (يوليو) ٢٠٠٩
بقلم جيهان الشعراوي

بعدين نتكلم

ابعد خطوة..
خطوة كمان..
سيبلى فراغ أتنفس فيه
ادينى مساحة أتحرك فيها
منها أشوف صح الألوان
وتشوفنى كمان
أقله...مانتلخبطش فى بعض
قرب حبة...
حبة كمان
حسسنى بدفئك
وأبعد تانى عشان
ماغرقشى فى حضنك
قرب حبة وابعد تانى
انت كمان تشتاق لحنانى
ومانزهقش
اتكلم مرة ..
ومرة كمان..احترم الصمت
سيبنى أفكر
وأنا هاديلك وقت تفكر
نقدر من بعديها نقرر
ان كنا هانبعد
أو لو كنا نقرب أكتر
دى اقتراحاتى
شاور نفسك فيها الأول...
وبعدين نتكلم

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى