الأحد ٩ آب (أغسطس) ٢٠٠٩
بقلم ماهر حجاج

النيل

النوبة تشهد لك ياجميل
والصعيد وف بحري يا نيل
كل اللي شاف حسنك بيميل
عاشق لحسنك وجمالك
****
الورد يشتاق لنيله
ماهو، هو روحه وعبيره
ع الضفتين ويغنيله
فارس وسعده على شالك
****
الشمس تبعت أوتارها
وأنت تشاغل أفكارها
ماأنت نصيبها وقدرها
بنظرة تلاقيها جاية لك
****
ده أنت قمر فارش نوره
وكل الاحبه بتزوره
زى الملايكة بيدوروا
دى نعمة ربى كاتبها لك
****
كفاية منك النسمة
وعيون حبيبى المترسمة
وحياة جميلة مبتسمة
موعود اللى ف يوم جالك
****
بتدى للمصرى نهاره
وف الليل يقولك أسراره
واللى تعب هديت ناره
وتقول حياتى واهبها لك
****
دول شفتين لونهم وردى
بدلال ما بينهم بتعدي
مايتك شهد وخمري
واللي شرب يبقى نالك

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

 الشاعر الشعبي: ماهر إبراهيم حجاج- اسم الشهرة: ماهر حجاج- مواليد مصر في ١٣ كانون آول، ديسمبر ١٩٦٠ في القاهرة، مصر- العنوان الحالي: الرياض، المملكة العربية السعودية- الجنسية الأصلية: مصرى- التخصص الجامعي: نظم معلومات ادارية- اسم الجامعة، والدولة التابعة لها: جامعة عين شمس، مصر- سنة التخرج: 1983م- الشهادة الجامعية: بكالوريوس- التخصص الأدبي: الشعر

من نفس المؤلف
استراحة الديوان
الأعلى