دمـي المهر

أنا درويش يا بلدي مِن دراويشك

لعنت الظُلم والظالم

لعنت الظُلم والظالم

ومص دمايا

خفافيشك ..

يا عصفورة

يا عصفورة بلون الهم كان مطلي قوام

ريشك ..

جنود الصمت والرهبة

جنود الصمت والرهبة

بنوا جيشك

يا مصر يا ضحكي ودموعي

في قلبي البِكر

يا ترتيلة

يا ترتيلة وآية في صمتي وسكوتي

فـي وقت الذِكر

يا أُمنية

يا أُمنية ما بيني وبينها مليون شط

هفُك الخط

من أحجار رشيد حتى

جنوب سينا

ولو غايبة فـي يوم عني

راح أستناكي

ع المينا

وهتمنـى رجوعك ليا أنا

حيّه

ومُش غرقانة في

المايه

ولحظة شوقي أنا ليكي

راح أسمع إسمك الخلاب

فـي ألحان ..

الفواعلية

ولو مرة تنادي عليا ماقدرشي أقولك :

(( لأ ))

دا حُبك فيا كان برواز

دا حُبك فيا كان برواز ومِتعلق

على مُسمار في قلبي

(( إندق ))

وإنتي دُنيتي وديني وإنتي

(( الحق ))

وشايفك لسا قُدامي حبيبتي مهما زاد

القهر

وراسمك جوه أحلامي عروسة

مهما طال ..

الدهر

أنا عاشق خلاص نيلك

ناديني بسـرعة أنا أجيلك

وأقدملك بدمي ..

المهر