قصيدة قصدتك صالح الغازي

حسيت يا نور ملمسك
لما وصلنى الحب.
نويت الدخول في النُسك
متمتعاً بالقرب.
قصدتك.
ويا الجموع مُلبي
خاشعاً بقلبي
موحداً بربي
بين الرجا والقبول
مُسالم
وآدي الحُمول.
قصدتك.
في مَوقف الرضا واقف.
وعرفة كلها موقف.
 
ما أنا عارف.
اللي احتمل الضيم.
وأنا طايف
بقيت شايف
سيدي ابراهيم
اللى حدد الأصنام وجذها
ميز للإنسانية عزها
عارض لوحده وثار
نجاه م النار.
قصدتك.
متمرد ،قنوع
متوكل ،مُلبى.
نبضى بين الضلوع
هرول وسعى قبلى .
قصدتك.