يا جدي مين

، بقلم محمد محمد علي جنيدي

يا جدي مين فينا العجوز
مين الحزين مين العليل
 
وجهك سمح بيشع نور
من ماضي كان هادي وجميل
 
شفتم زمانه نهار وليل
بس النهارده الليل طويل
 
إنتم شربتم مـ. الأصيل
ألفه ومحبة لألف جيل
 
واحنا ما بنا الدم سال
واللي ما مات أصبح عليل
 
ياجدي فين زمن الوصال
فين طيبة القلب الجميل
 
فين الشهامة لجار وكان
أخ وصديق ماله مثيل
 
أصبح وصال الناس دمار
والحال ما بيسرش خليل
 
حتى الخليل داق المرار
ومصابنا أصبح مش قليل
 
يا ريت يا جدي تقولي مين
مين فينا عاش إنسان نبيل