بلاها سكوت

، بقلم محمد محمد علي جنيدي

أنا يا مصر هقطفلك ثمار التوت ومش هقبل يطول دمعك فداكِ أموت
وحزني مهما هيطول بصبري يفوت طلاما الظلم مش ساكت بلاها سكوت
أنا مهموم لجاهل راكب الموجه سند ظهره على ظالم وناس عوجه
بنى علمه على جهله من الحوجه ولما الجهل يحكمني بقت هوجه
أنا مجروح على الحق اللي بيهاجر ومن ناس عايشه تتكاتف مع الفاجر
على مجروح شكى همه لعزيز قادر وبكره الفجر يضحكله مدام صابر
أنا مصري ومش هيأس على جراحي ومهما اشقى فـ. طيبة قلبي مفتاحي
تنام الناس وقلبي الساهر الصاحي جعل صبري فـ. ليل الحزن مصباحي