فكر لحظه

، بقلم محمد محمد علي جنيدي

فكر لحظه وإسأل نفسك
إنت فـ. خير ولا انت فـ. شر
إنت هزمت اللي اتحديته
وطويت ظلم سنين اغتر
عاد العدل ونور بيته
ووصلت بثورتنا لبر
يعني لقيت اللي اتمنيته
ولا الحاضر طعمه أمر
كنت بتحلم بالحريه
حاسس دلوقت انك حر
كنت بتسعى لعيشه هنيه
طب ليه حصادك أصبح شر
حكم الظالم كان له مساوئ
شايفك عايش حكم أضر
مبروك يللي قتلت ضميرك
تاهت الثوره فـ. كر وفر
يللي جرحت الورد بإيدك
بكره بشوكه راح تنضر
أسأل نفسك قبل نهايتك
قبل ما عمرك كله يفر