اه يا سيسي لو تخيّب ظنّي فيك

، بقلم بدعي محمد عبد الوهاب

حِلِف اليمين
وبكره يجي ألف غيرو
يحلفوا مليون يمين
والخيابة فينا هِيَّا
هِيَّا هِيَّا
إللي إيدو بالشمال
عمرها م تكون يمين
 
د احنا شعب الآه يا بيه
يبقي فينا العدل ليه
الضعيف لو يوم تجيبله
الطبيب صعب يداويه
والحزين لو يوم تقوله
ع السرور مش هيلاقيه
 
د الخيابة شيء مقدّر
والهيافه شيء معطّر
والجبان لو شال سلاحه
عمره يوم م هيبقى عنتر
 
اه ياسيسي
لو تخيّب ظني فيك
اه يا سيسي
لو تضم العدل ليك
اه يا سيسي
 
الضعيف راح يبقى سيفك
والعزيز راح يفتديك
والشباب هيكونوا دايما
ملك إيدك .. مصر ليك