الاثنين ١٤ تموز (يوليو) ٢٠١٤
بقلم بدعي محمد عبد الوهاب

وبكرة تشوفوا مصر

لمّا تشوفوا المصري بِيشحَت
لابس فـ ايده جوز شرَبات
لمّا تلاقوا محلب يحلب
بقرة بتحلب دم شباب
لمّا معاش الجيش يِزَّود
واحنا معاشنا مفيش زيادات
بكره تشوفوا بعينكم مصر
 
لمّا الأب يفكَّر إنّه
يقتل ابنه عشان يحميه
لمّا الابن بيضرب والده
كفّ بخده عشان يسقيه
لمّا الطفل بيكره وطنه
ورمز النجمة يغازل فيه !!!
بكره تشوفوا بعينكم مصر
 
لمّا يهودي بيضرب غزة
وانا بتفرّج زيّ الناس
لمّا أخويا يقول حرّرني
وأنا من خوفي أبيع وخلاص
لمّا يهون الدم العربي
يبقى ف قلبي مفيش احساس
بكرة تشوفوا بعينكم مصر
 
لمّا تبص يمينك تِلقى
ولا إنسان بيصوم رمضان
لمّا الأخ يعاكس أخته
يقول لصحابه قوام غزلان
لمّا الأم تبيع ف شرفها
علشان تنقذ ابن جعان
بكرة تشوفوا بعينكم مصر
....

مشاركة منتدى

  • سلمت يداك يا قاتلى سلمت يداك
    بالأمس انت قاتلى واليوم منتها لخطاك
    وغدا سترحل بظلمك ولن يغفر شيئا من زكراك
    نامت أعين الناس وربى مطلع يراك
    سأشكوك عند ربى سأحاكم من حياك
    أنا الطفل أنا الشيخ المقتول أنا هناك
    أنا ما زلت فى غزه ما زلت للموت أشتاق

  • دمت راقي الحرف والمعنى استاذ محمد عبد الله
    أطيب التحايا صديقي

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى