الأحد ٢٦ تشرين الأول (أكتوبر) ٢٠٠٨
بقلم يوسف الشرقاوي

زغاريد فلسطينية

آه هي...وهاي عكّا
ومين قدّها؟
آه هي...وكل الفلسطينية
واقفين حدها
آه هي...وكل جيوش نابليون
عجزت عن هدها
آه هي...لو ألف عربدة
وعربدة عكّا
بتصدها
 
** ** **
آه هي... شبابك يا عكّا
كلهم أسود
آه هي...وعين الحسود فيها
الف عود
آه هي...وللي قهر نابليون
رح يقهر الصهاينة اليهود
 
** ** **
آه هي... والقصة مش رمّانة
آه هي...القصة لقلوب
مليانة
آه هي... وقلوب أهل عكّا مقطوعه
من صوانه
 
** ** **
آه هي...وعكّا في عيونهم
رح تضللي شوكة
آه هي...وأيادي أهلك وشعبك
كلها مشبوكة
آه هي...وكل العرب صلّوا عالنبي لما سمعوكي
وشافوكي
 
آه هي... وياعرسان القدس تسلم اياديكوا
آه هي...واللي سرى من اقصاها وربي بيحميكو
آه هي... وكل أحرار الأمة بتهني أهاليكو
وبتحط الغار على روسكم وبالحنّا بتحنيكو

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى