الخميس ١٧ أيار (مايو) ٢٠١٢
بقلم محمد حسن عامر

آخر سطـر

(1)
وصبح الصبح من فنجان عنيكي السهرانه...
خلاني حاسس ان انا بقالي مية يوم صاحي...
مش مرهق عشان عيونك الخجلانه...
ببص فيهم لوحدي وتداوي جراحي...
انا ياصبح فقير ف الحب ولسه يادوب بتملى...
لسه يا صبح بفكر فيها لتقرب للتخلى...
وتسيب قصة قلمي وحيدة..
وبعيدة...
 
(2)
تعرفي مع اني بحلم بيوم اللقا...
بشغل نفسي ساعات بمليون حاجة...
يمكن انسى فيها للحظة اني بحبك..
لكن كل ما بعمل حاجة....
بتفكرني بموقف ليكي...
اضحك ضحكة ميفهمهاش غير قلبي...
انك لحظة بلحظة ف باللي
ولا يمكن اخبي...
 
(3)
احساس الخوف جواك...
اقوى احساس م الحب..
واهو ده يا حبيبي خلاك...
انت ابعد وانا اقرب..
خليك يا حبيبي هنا..
و متفكرش ف ثانيه..
ان مهما بعدت هنساك..
انا برده مهما يطول...
الوقت انا هستناك
 
(4)
يا قلب يا سهران عشان تسمع ادان الفجر...
تدعلها تكون يومها بفستانها...
تكون جمبك بأحلامها..
ياقلب يا سهران بتكتب فيها مية غنوة...
بتوصف فيها ف عيونها...
وتجري كل ما تشوفها...
كما الأطفال..
وتتشعبط ف احساسها...
وتمسك ايدها ف الأحلام...
وتنام واخر دعوة ف لسانك..
<<اللهم اجمعنا ف خير<<
 
(5)
وبتسأل عن سبب الحب؟
وايه خلاه تتشد ويتشد ...
وايه خلاها بتحس بأنها ملك لحد...
افكارها ...احاسيسها...
ده حب بجد؟
وساب السطر مفتوح..
عشان تملاه بأحساسها...
 
(6)
وبتدور ف وسط قصايدي عن البطلة...
عن الحدوته ومين هتكون صاحبتها...
عن القصة عن الفكرة ...
وتسأل كل ما تشوفني دي مين بتكون؟
كما الطفل اللي حاير بين سكات وزعيق..
كما الهايم ...كما المجنون...
ومستنيه مني الرد
لتكون هي...
انا ياقلبي مستني لحظة بجد...
دي صعب الكلمة تتقال...
مكنش بيجي ف البال...
اقولها لحد....
ويمكن كل ما تفكر..
انسيها كمان اكتر ...
اتوها بعيد العين..
وتتنهد وتكشر...
كطفل حزين...
لما حد يلمح ليها...
بأن بيني وبينه مشاعر..
وتزيد حيرتي..
دي عشقاني...
ولا لسه بتفكر....
تكون بطلة..
ف اخر سطر...

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى