الأحد ٢٣ آب (أغسطس) ٢٠١٥

العالم الاول

محمود يونس احمد

احنا العالم الاول طبعا
واللى يقول غير كده كداب
احنا الاصل وهما الصورة
احنا حقيقه وهما سراب
قال ويقولوا علينا غلابه
عالم تايهه عايشه ف غابه
عالم تالت عيشه هباب
كل كلامهم ده اشاعات
ييجوا يشوفوا الاختراعات
مين حول فيروس لكباب
احسن صحبه واحلى مزاج
والبانجو يهديه لو هاج
يربط تيل مخك لو ساب
احسن شله واجمل لمه
ودماغ صاحيه عايشه بذمه
اجمل صحبه لاحلى شباب
اعلى كبارى واحلى طريق
ومفيش حفره تسبب ضيق
تخطيطنا يثير الاعجاب
احنا الشعب الساطع نوره
نبنى المجد نعلى ف سوره
خليكم جوا السرداب
احنا الفكر واحنا العلم
تنتجوا فيلم ننتج ميت فيلم
تفتحوا باب نفتح ميت باب
لا بيرقراطيه ولا روتين
ولا نشرب شاى بالياسمين
ولا واحد عن مكتبه غاب
احنا الشمس اللى ما تغربش
وانتو التلج اللى ما بيدوبش
انتو رياح وصقيع وضباب
مهما تدخل لنا افكار
وتقول للانجاز اسرار
هتلاقى طبعنا غلاب
ليه كل حاجة نحبها
ليه كل حاجة نحبها
عمرها قصير
وليه دايما مشاعرنا
نعيشها بكل تفكيرنا
وبعد شويه تتغير
وليه امالنا واحلامنا
نشوف جواها ميت معنى
نفسرها ماتتفسر
وليه طموحنا فى الدنيا
فى مجرد جزء من ثانيه
على بابها بيتكسر
ليه وقت الفرح نبكى
ونتالم ولانشكى
صحيح احاسيسنا دى تحير
نحب بجد نتالم
والجرح فينا بيعلم
يا ريت مشاعرنا تتصور
جوانا احاسيس مش مفهومه
ومشاعر تايهه ومقسومه
ودا مكتوب ومتقدر
تطير جوانا امانينا
نحس الدنيا ف ايدينا
نيجى نفتحها تتبخر
وايامنا تمرجحنا
تبكينا وتفرحنا
ناثر فيها وتاثر
ياخدنا الحلم بره الكون
نعيش لحظات فرح وجنون
نعود للارض نتكسر
فيه شئ جوانا نفسه يطير
ولو انه مالوش تفسير
لكن جوانا بيغير
مع اوهامنا نتمرجح
ساعات نزعل ساعات نفرح
واهى الايام بتتكرر
لما فى لحظه تكون
لما فى لحظه تكون
محتاج حد يحسك
لما تكون محتاج
ايد بالعطف تمسك
حد يغير حالك
حد يبدل ياسك
حد يشوف احزانك
حد يحس ببؤسك
دور جوا الناس
مش هتلاقى غير نفسك
لما تكون محتاج
حد يعيش ايامك
حد يترجم صمتك
ويصدق اوهامك
حد يبص ف عينك
تلقى ف عينه كلامك
غمض عينك واحلم
هتشوفه ف احلامك
لما تكون محتاج
حد يحس بهمك
حد يدوب جواك
دمه بيحضن دمك
ينسى الدنيا بحالها
يفتكرك و يضمك
ابعد عن احساسك
احساسك هيخمك
لما فى لحظه تكون
محتاج حد بجد
حد يعيش احساسك
ويكون اقرب حد
حد يعدى عشانك
مليون سد وسد
لو شاف دمعه ف عينك
تلقى دموع ع الخد
اسال كل الناس
مش هتلاقى الرد
انا شايف انى انساكى
انا شايف انى انساكى
دا افضل حل
لانك انت مليتى
وقلبى من عذابك مل
ساعات الحب بيحير
يغور الذل
معاكى النار بتحرقنى
وبتغيبى بييجى الضل
معاكى بيطرح الصبار
وفى غيابك جنانين فل
معاكى الارض تطرح شوك
بدونك راحه لو فى الطل
انا لو فيكى يوم فكرت
اكون مختل
ودا راى بدون تاثير
ادينى بعلنه للكل
عايشه فى الماضى البعيد
عايشه فى الماضى البعيد
تايهه جوا الذكريات
مسكينه محتار قلبها
بين عمر جى وعمر فات
احلامها فى البوم صور
كل صورة ليها ذكرى
مع كل صورة بتفتكر
والفكرة بتسلم لفكرة
فيه صوره وقفت عندها
اه من الامل اللى ضاع
قعدت تكلم نفسها
تبتسم وتقول وداع
مع كل دمعه من عنيها
للماضى بياخدها الحنين
ناسيه بكرة وبس عايشه
مع حاجة راحت من سنين
مع الدموع تلمع عنيها
فى الضلمه ويزيد سحرها
تمسح دموعها وتبتسم
تغرق همومها فى بحرها
عاشة اسيرة لذكرى حلوه
جوه منها ما تنسيتش
تنتهى الدنيا فى عنيها
بس هى ما انتهتش
اه من العشق اللى خلى
الحياه مفيهاش حياه
قلب غايب قلب دايب
قلب سلم قلب تاه
سنة الايام بعاد
والشروق بعديه غروب
يفضل ايه بعد الفراق
غير عذاب وقلوب تدوب
كان فى نفسه يبقى بيه
كان فى نفسه يبقى بيه
عاش يدور ع السعادة
مات فى جيبه اثين جنيه
وناس بتبكى وقهوه ساده
كان فى نفسه يبنى يبيت
كان فى نفسه يبتسم
شاف ملامح فى المرايه
حزن وكابة بتترسم
كان بيحلم بالامان
شاف جوه احلامه وطن
بس فى نهاية الحكاية
جوه اوهامه اتسجن
كان بيحلم بالحبيبه
والاشواق جوه العيون
وش صافى وعهد وافى
وقلب مش ممكن يخون
بس برده الحلم ضاع
والجسد بقى فى التراب
افتكر دنياه هتبقى
طلع اللى كان عايشه سراب
هو ده الانسان بيحلم
بالخلود فى الدنيا لكن
بعدما يتعب ويشقى
يبنى بيت والقبر ساكن
كان نفسى اشوف نفسى
كان نفسى اشوف نفسى
وسط البشر انسان
ساعة الفرح افرح
فى الحزن دمعى يبان
ساعة الغضب اصرخ
والكلمه ترضينى
ومهما اشيل من هم
ضحكه تنسينى
نفسى افك قيود
انا اللى لفيتها
وانطق بكلمة حب
لو مرة حسيتها
تعبت من صمتى
وسكونى ووقارى
بصرخ وانا ساكت
والضحكه بتدارى
خارج حدود نفسى
نفسى فى مرة اطير
تفسيرى للواقع
رمز ملوش تفسير
انا السجين اللى
محبوس بلا قضبان
انا اللى هتمرد
واكون خلاص انسان
بحلم بحاجات مش موجوده
بحلم بحاجات مش موجوده
وعيونى بالخوف موعوده
كل ما احاول اكون بنى ادم
القى بيبان الخير مسدوده
بحلم برغيف العيش لكن
ازاى القاه وانا مش ساكن
وولادى قتلتهم لسعة برد
والغطا كان ايه غير ليل داكن
بحفر ف الارض التعبانه
وبقاسى حرمان ومهانه
وادينا بنموت م الجوع
واسيادنا كروشهم مليانه
مش عايز غير لقمة عيش
مش عايز غير انى اعيش
بتغطى بخوفى واحلم انى
باكل القى الاكل مفيش
فيه غيرى بيموت م التخمه
يشرب خمرة وياكل لحمه
واحنا ف اوضه متر ف متر
فوق بعضينا بنموت م الزحمه
واحد واحد جوا طابور
كل عيشتنا خلاص بالدور
وادينا خلاص اتعودنا
واهى ساقيه وبيلف الطور
مدارسنا كان فيها حساب
بس لقينا منهج كداب
الواحد بيساوى الواحد
بالمنطق والمنطق غاب
واحد ابيض واحد اسمر
واحد طيب واحد يغدر
واحد عايش جوا قصور
واحد يكسب واحد يخسر
احنا بنتعب ونضفهم
شيلين فوق رقابينا قرفهم
وادينا جبنا جبنه وعيش
بس الديب اهو جه وخطفهم
ف الاتوبيس واقف مزنوء
حر وزق وزحمه بدوء
وانا عايش و بصبر نفسى
مشتاق لكن قتله الشوق
بس انا بس اللى مصبرنى
ع اللى انا شايفه واللى قاهرنى
ان انا بعد ما اموت راح الاقى
متر ف متر قماش يسترنى
جواها مشاعر صادقه
جواها مشاعر صادقه
احاسيس ومعانى نبيلة
وكانها عايشه ف قصة
من الف ليله وليله
جواها اخلاص ومحبه
مشاعرها تكفى الكون
ف عنيها حنان اتخبى
رقه وجواها سكون
تسرح فى جمالها تلاقى
اميرة من الحكايات
لو تقضى العمر تفكر
تلقى فى جمالها ايات
تسرح ف زهور الخد
والموج ف عنيها يحير
سحرها ملموس وبجد
حبها وعد ومتقدر
انسانة ولا ملاك
لو فكرت هتحتار
انما لو يوم اخترت
مفيش غيرها هتختار
كتير فى جمالهابنسرح
انا وانت ياقلبى كتير
وعيونى لما بفتح
القانى ف هواها اسير
اصعب شئ فى الوجود
اصعب شئ فى الوجود
كل ماتفتح طريق
وتحس انك شئ
تلقى طريق مسدود
تعيش فى حلم كبير
تبقى لحلمك اسير
تعبر عشانه حدود
تخلص لحد بجد
وتحسه اقرب حد
تلقاه مهش موجود
تبنى للحب جسور
تدى وقلبك مكسور
تلقاه بالشقا موعود
ابعد عنه راح يرجع
واقفل ودنك راح تسمع
صوته مخنوق مردود
ادى الاخلاص بحساب
خلي ف ايدك لو داب
خيط الاحساس مشدود
اصل الانسان نسيان
تخلصله تلقاه خان
يخلف ف الحب عهود
قد ايه صعب الفراق
قد ايه صعب الفراق
لما يغلبك الحنين
واللى نفسك يوم تشوفه
بينك وبينه فراق سنين
قد ايه صعبة الحياة
وانت من غير اللى حبك
كل يوم بتشوف وشوش
بس وحده جوا قلبك
اللى كان قدام عنيك
بعد لحظه يبقى ذكرى
طب ليه بتستغرب وتسال؟
كل شئ فى الدنيا يجرى
النهارده كان معاك
بكره ييجى ما تشفوش
تفتكر لحظة وداع
والدموع ما بتنسهوش
الاشتياق ما اصعبه
شوق حنين صبر والم
واحنا بنعذب فى روحنا
وقلوبنا يقتلها الندم
كل شئ فى الدنيا ناقص
والسعاده مش بتكمل
واللى يوم هيحس بيك
بكرة هيسيبك ويرحل
اي شئ بتكون نهايته
اختفاء صورة وصوت
طب ليه بنتصارع فى دنيا
النهايه فيها موت
ترى الطبع فى الانسان غالب
ترى الطبع فى الانسان غالب
من المهد وهو مجبول عليه
فان يوما تطبع غير طبعه
تراه يعود مضطرا اليه
ترى الذئب يحيافى ثوب الحمل
والغدر ان نظر تراه فى ناظريه
ترى المرء سهلا فى تعامله
فان غضب استشاطت وجنتيه.
ماترك طبعا الاذو عزم شديد

لله اخلاصا قد فر اليه
الكون بيدور حوالين نفسه
الكون بيدور حوالين نفسه
واحنا حوالين نفسنا بندور
فيه جزء كبير م الكون ضلمه
جزء صغير فيه طاقة نور
برده جوانا حاجات غامضه
وبسيط منها مكتوب ف سطور
ف الكون واحد يإسره يأسه
بيعيش خايف ويموت مكسور
واحد تانى روض نفسه
رافع راسه وهواه مقهور
واحد غضبه اكبر منه
زى البركان ما ف لحظه يثور
رغم ضالة حجمه وعقله
ليه الانسان عايش مغرور
والأرض اللى بيحيا عليها
بما فيها جبال وتلال وبحور
بالنسبة للكون المرئى
شئ مش محسوس شئ مش منظور
أجرام بدور حوالين أجرام
مجهول بيدور حوالين مشهور
فيه ناس تلمع فيه ناس تدمع
إنسان حوالين إنسان بيدور
لما فجاة يموت ضميرك
لما فجاة يموت ضميرك
لما تفقد خط سيرك
لما تبقى حد غيرك
لما تنساك ذكرياتك
لما تضيع اجمل معانى
فجاه تكون انسان انانى
يبقى جواك شخص تانى
شخص ذاته عكس ذاتك
لما الغدر يكون سلاحك
والنفاق يضمن نجاحك
تبقى تايه جوا روحك
يبقى ايه قيمة حياتك
لما الشر يبقى خير
تبقى جوا هواك اسير
فجاه يتغير مصير
النهايه ف حكاياتك
لو ف يوم كلمت نفسك
عن ضياعك بعد ياسك
عن سبب خوفك وباسك
تبقى جاهزه مبرراتك
لما تشوف شر انتشر
والبشر مابقوش بشر
واللى كان طيب غدر
يبقى ايه معنى سكاتك
لو ف يوم فكرت تندم
ع اللى كان منك وتحلم
يسلم الناس منك وتسلم
يبقى دور ع اللى فاتك
لما الكلام عنك
لما الكلام عنك
يعجز عن التعبير
والصمت يتكلم
كلام مالوش تفسير
واما الحروف ترتبك
وتسال التيسير
فجاة تتتوه المعانى
وتفقد التاثير
ابحث عن الحريه
القانى فيكى اسير
واما الزهور تضحك
وتتمايل لاحلى عبير
والشمس تطلع تلاقى
نور ك سابقها كتير
فجاه النجوم تتكسف
من القمر وتغير
فجاه. تلاقى المشاعر
فوق السحاب بتطير
والفرح ينزل مطر
والكون الى تغيير
عصفور اسير فى القفص
شافك فنفسه يطير
سالت نفسيى دا ايه
ردت بدون تفكير
طبيعى اقول ده حب
لو تسال التبرير
بس الحقيقه لا
اعتبره حلم كبير
أجمل ما فينا فين
أجمل ما فينا فين
أنا ليه مبقتش اشوفه
والثانية بقت سنين
نفسى اتونس بطيفه
أطيب ما فينا فين
صعبة الايام علينا
إحساس صعب وحزين
راح فين اللى يواسينا
هى الايام دى ليه
الحزن فيها عاده
وليه دايما بننسى
فيها كلمة سعاده
الكلمة الحلوه فين
والفرحة اللى فى عيونا
ليه مكانها صار انين
والخوف اصبح ساكنا
فين الضحكة الرقيقة
فين النظرة البريئة
ضاعت كل الامانى
والوهم صارحقيقه
فى ارض بور بنزرع
وبنستنا الحصاد
ييجى وقت السعاده
نحزن من غير ميعاد
أجمل ما فينا مات
وأصبح ذكريات
والضحكة اللى فى قلوبنا
إتخطفت من سكات
انك تكون انسان سعيد
انك تكون انسان سعيد
ف الحياه شئ مش بعيد
بس المهم ازاى تكون
رغم المحن جواك سكون
عايش بروح انسان شديد
بس جواك واحد حنون
عند ك اراده من حديد
وان القلق والخوف
ملوش جواك ابدا مكان
اوعى التردد مهما كان

ما انت مش ممكن تشوف

الا اللى كتبه ربنا
طب ليه بنخنق نفسنا
بنفسنا جوه الظروف
كل ما كان عندك اراده
تقدر تحقق كل صعب
الغى جواك خوف ورعب
تلقى جواك السعاده
تقدر تغير كل شئ
هى دى بداية الطريق
بس خلى القوه عاده
والتشاؤم لو مزاج
التفاؤل جوه قلبك
ممكن يكون افضل عباده

كنت فاكر انى لسه
كنت فاكر انى لسه
جوه قلبك ماتنسيتش
والحكايه اللى ما بينا
لسه عايشه مانتهتش
كنت فاكر ان حبى
يقدر يعديلك حد ود
وان قلبك رغم جرحه
لو رحل ممكن يعود
كنت فاكر انى قادر
ادى احساس الامان
انى اطمن قلب خايف
ينسى ويسيب اللى كان
بس برده رغم ذنبى
كان منايا تعزرينى
وتعرفى ان الفراق
كان سبب المى وانينى
وانى مش قادر ياغاليه
انسى حبى واشتياقى
مهما نبعد ولا نرحل
جوه قلبى الحب باقى

نمضى ويمضى بنا الزمان
نمضى ويمضى بنا الزمان
نسعى الى نفس المصير
الكل يحلم بالبقاء
والعمر لو طال قصير
نبنى قصورا فى الرمال
وكان ما فى الدنيا باقى
وكان ملك الدنيا باقى
نشتاق لو نبقى مليا
نحيا كأن العمر باقى
نحيا حياة من ملك
لكنه محض اشتياق
مابين خوف وامل
الكل يملكه الرجاء
عين ترى الارض مقر
واخرى تنظر للسماء
جسد معلق بالتراب
فهو له يبدو اسير
والروح تهفو ف اشتياق
لمشهد الخلد الاخير
كم من نفوس عذبت
مابين خوف من فراق
وبين رؤية الجسد
وهو الى القبر يساق
مابين نفس مطمئنه
وانفس عاشت تئن
من راى الدنيا ممر
ومن راى فيها سكن
تبا لعقل قد وهم
ان الحياة بلا انتهاء
كل من ذاق الحياة
حتما يصير الى فناء
والكون حقا قد شهد
ان الحياة الى نهايه
والدنيا للنفس اختبار
وجنة الفردوس غايه

الحب ده ادمان
الحب ده ادمان
انسان لروح انسان
تتمنى يوم تنساه
فيعاندك النسيان
تندم لو يوم هجرته
وتعيش معاه ندمان
مهماتحاول تخبى
شوق العيون بيبان
الحب ده احاسيس
محفوره ف الوجدان
تفتح قلبك تلاقى
عشق وهوى وهوان

قالوا عنى انى معجب
قالوا عنى انى معجب
واقول انى مستهام
وما يضير المعجب
من مس حب او هيام
ماجت بقلبى خواطرالعشق
فسكنتى روحى واسكتى الكلام
كيف بمثلى
يرى الضياء امامه
فلا يسلم قلبه
ولا يلقى السلام

كلمة اسف مش كفايه
كلمة اسف مش كفايه
ذنبى اكبر من دموعى
واللى يالم فى الحكايه
قلب محبوس بين ضلوعى
لو تسامحى الدنيا تفرح
والشجر يرقص سعاده
الكريم دايما يسامح
الكرم عاده وعباده
مهما كان منى وجرى
انت لحياتى كل شئ
انت احلى شعور بحسه
انت احساسى البرئ
لو غلطت وتهت مره
ايه دليلى غيرك انت
يااللى ساكنه جوه روحى
انت امى وانت بنتى
قلبى من غيرك وحيد
والقمر ف الليل بيشكى
والندى فوق الزهور
والطيور وياه بتبكى
لو حاولت ف يوم اسيبك
كل احاسيسى تسبنى
مهما ارحل ولا ابعد
الحنين ليكى يجبنى
الحياه لو تبقى جنه
تسوى ايه من غير عنيكى
دى الزهور جوا الجناين
نفسها تسلم عليكى
يا عبير بتنفسه
يا وتر نفسى المسه
قلبى من غيرك وحيد
ايه غير هواكى يونسه
فى بعادك يا حبيبه
اتصاحبت انا والليالى
والسهر صاحب عيونى
قلبى بينادى تعالى
بعد كل الحب ده
والحنين ممكن تسامحى
عقلى تايه مش عارفنى
والفراق غير ملامحى

أحببتك حبا فاق الحد
أحببتك حبا فاق الحد
مع انى لم ادرك معناه
صرت اراقب حبا ينمو
يسكن قلبا ما اشقاه
كنت أظن الحب سعاده
كنت اظن القرب حياه
قبل هواكى كنت طليقا
معكى ضل القلب وتاه
أبحث عن إنسان ضائع
كم أتمنى أن القاه
صرت أوارى دمع عيونى
أكتم حزنا لا أنساه
صرت أراقب قلبا ينبض
كيف يكون النبض حياه؟
كيف اكون بدون هواكى
وهذا الحب من سماه؟

ندخل حياة ناس
نخرج مايفتكروش
ندى مشاعر صادقه
نلقى شعور مغشوش
توهب عمرك لحد
وفجاة متلاقيهوش
طاب ليه نحس بناس
بينا مابيحسوش
ونفرق الاحساس
على ناس ما يستهلوش
ايه معنى كلمة حب
وليه مافسرهوش
ليه ناس كتير حاولت
تعرفه ما عرفوش

انا جوايا انسان متكسر
انا جوايا انسان متكسر
واللى بحسه مش متفسر
كان جوايا مشروع انسان
كان جوايا احلام وامانى
تيجى ساعات وكتير سيبانى
واحد فيه جواه بركان
انا جوايا واحد تانى

حتى حواسى مش عارفانى
انا جوايا مش فرحان
انا جوايا انسان مهزوم
يوم فرحان وكتير مهموم
انا حتى نسيت النسيان

زى الطفل الصغير
زى الطفل الصغير

بتفرحنى ابتسامتك
بعين القلب شفتك
وبدموعى رسمتك
لما بغمض عيونى
بشوف حلمى الكبير
طاير فى الكون وسارح
وانا ف طوقك اسير
بشوفك نورونار
وخريف ساكن ربيع
زهرة جواها شوك
لوحه باعجاز بديع
جواكى الشئ وعكسه
وقت الحنين تبيعى
اقفل قلبى عليكى
افتح عينى تضيعى
رغم تجاهل شعورى
انا كنت اسير عنيكى
رغم اسوة مشاعرك
دابت احلامى فيكى

انت ليه دايما حزينة
انت ليه دايما حزينة
والعيون دايما بتبكى
كاتمة جوا القلب همك
احكى اوجاعك واشكى
كان زمان بسمة شفايفك
تملى كل الدنيا نور
فى الجفون حارت معانى
والخدود لون الزهور
ضحكتك كانت عبير
والضياء كان لو ن عيونك
كل شئ حلو فى حياتنا
ما يساويش حاجة بدونك

يعنى ايه كلمة مشاعر
يعنى ايه كلمة مشاعر
يعنى ايه انسان يعيش
جرح غيره وفرح غيره
يعنى حب ما ينتهيش
يعنى ايه انسان يحس
حزن غيره وقولته اه
يعنى قلب رقيق وطيب
قلب ينبض بالحياه
قلب كله حنان وخير
يدى ما يحوش السعاده
قلب يشعر بالفقير
والاحسان اليه عباده
هو ليه الحب ضايع
والقلوب صارت حجاره
والطيبه صارت عمله نادره
الف ميت مليون خسارة
اللى قاتل واللى خاين
واللى باع صاحبه فى ثانيه
واللى عارف انه مجرم
والسفاله دى حاجة ثانيه
هو ليه كلمة بشر
كلمة فقدت كل معنى
اصل واحد كان قريب
بس فجاه خدع وباعنا
اصل دم جريح وميت
ضاع خسارة بدون ثمن
اصل انسان حقه ضايع
صار شريد من غير سكن
لما ناس تطلع تبرر
الجريمه والفساد
والخيانة تبقى عاده
سيفها فوق روس العباد
ناس نست الانسانيه
والضمير فى القبر نايم
ناس نست يوم القيامه
بانتهاك كل المحارم

تخيل أنــك تبـتسم
تخيل أنــك تبـتسم
والقلب يعصره الألم
ًتلقى البشر مستبشرا
والنفس بين وهن وهم
جرح الفراق جد صعب
أنىّ لـه أن يلـتئم
عجبا لمن فقد الحبيب
كيف لــه أن يبتسم
الجسد يسعى فى الحياة
والقلب منها قد سئم
الدنيا حزن دائم
والفرح فيها منصرم
حتى السعادة ناقصة
يكفيها أنها لن تــدم
عسل الحياة وإن حلا
فهو ممزوج بـدم
نأتى الحياة بالبكاء
ومنها نخرج بالندم
الكل يحيا فى شقاء
فـقد او حاز النعم
ٌفى النفس شئ غامض
ّبــالحـقيـقة قد ألـم
يفر من ضيق الجسد
إلى رحاب قد عُلم
بشرى لمن تاق إلى
لقاء رب قد حلم
يا رب إرحم من قضى
واهدى فؤادا قد هرِم
إن كان حزنى لا يزول
أو كان قلبى قد سقم
أرجوا من الله العظيم
أن يعفوا عن عبد ظلم
من لى سواك أبثه
ّهـما بقلبى قد ألم
إن لم أكن أهلا لعفوك
فأنت أهل للكرم

لو عايز تهرب من ياسك

لو عايز تهرب من ياسك

وتعيش احلامك مع نفسك

وتكون انسان

تهرب من واقع بيعجز

عايز تفرح عايز تنجز

محتاج لمكان

سافر فى الكون مع احلامك

اهرب من واقع قدامك

الرؤيا تبان

سيب نفسك تسرح ف خيالك

اهرب بحنينك وامالك

سيب الاحزان

فكر تهرب من تفكيرك

احساسك مخنوق واسيرك

جواك بركان

خلى الاحلام فى الكون تسرح

جواك مجروح خليك تفرح

هتلاقى امان

سيبك م الواقع يلا وطير

الكون واسع ليه تبقى اسير

انت الكسبان

انا كل مااحاول اتكلم

انا كل مااحاول اتكلم

الاقى الصمت يمنعنى

اقوله كلامى هيغير

يرد يقول وايه يعنى

وبعد صمتى قلت كلام

ملقيتش حد يسمعنى

رجعت سكت من تانى

لقيت دنيا بتتغير

محدش شايف التانى

ولعرفه بيتنكر

سالت ودانى سمعانى

قالتلى اللهجة دى تحير

اكلم مين قتلنى الصمت

وليه صوتى مهوش واصل

وليه بينى وبين الناس

وبين نفسي جدار فاصل

ما بين وبين وبين

ما بين وبين وبين

هتلقى نفسك فين

لا انت في يوم فكرت

طاب ليه تكون مع مين

الحق لون الباطل

وعنيا مش شايفين

فين الصواب والخطا

والعقل كان يوم فين

ذاتى تتحاور مع ذاتى

ذاتى تتحاور مع ذاتى

تسالها عن سر اناتى

تسالها عن عمرى الماضى

تسالها عن زمنى الاتى

تسالها عن سر بكائى

عن مغزى تلك العبرات

تسالها عن حلم ضائع

عن امل يقطر حسرات

ذاتى تتحاور مع ذاتى

تسالها عن سر سكاتى

عن زهدى فى تلك الدنيا

وتساوى حياتى ومماتى

تسالها عن قلب ينبض

ما معنى تلك النبضات

عن روح تاهت وعيون

غرقت فى بحر الظلمات

ذاتى تتحاور مع ذاتى

حاسس باحساسك

حاسس باحساسك

من غير ما تتكلمى

الحزن فى عنيكى

وشايفك بتتألمى

شايف فى وشك شجن

بتحاولى ليه تكتمى

لو الحياه مؤلمة

من الخيال ارسمى

صورة ضحكة وفرحة

وبعديها اتبسمى

بنعيش احاسيس مش جوانا

بنعيش احاسيس مش جوانا

وبنقنع نفسنا بهوانا

نجرى ورا دنيا سايبانا

ونقول مجاريح

بتوه فى عنينا امانينا

وبنضحك وقلوبنا حزينة

دنيا تاخدنا من نفسينا

من غير تصريح

العمر بيجرى واهو لسه

بنعيش فى خيالنا وبننسى

واهى زى المركب مابترسى

بتاخدنا الريح

مش فارقة حقيقة اوهام

صدق وكدب اهو كله كلام

وادينا بنصحى وبنام

واهو سيرك صريح

فيه حاجات جميله نحسها

فيه حاجات جميله نحسها

بس منعشهاش

وحاجات كتير فى القلب

غيرنا ما يشوفهاش

نضحك ونبكى فى نفسنا

واللى شعوره يهمنا

برده ما فهمناش

سحر العيون اصابنى

سحر العيون اصابنى

بسهم الحب من نظرة

فصار القلب فى التو

اسير عيونها السمرة

رايت طيفها فى حلمى

فلاحت للرؤى فكرة

وراحت عينى تنتقل

بين رياضها مرة

فلا ارى وريحانا

وزهرة خدها الحمرة

ااصابت قلبى فى التو

فدر الله من زهرة

وعطرا اشم احيانا

واحيانا اجد عثرة

ووردة مبسم اخرى

اراها تزيدنى سكرة

وشعر الليل منسابا

كاوراق على زهرة

وشعرى فى الفضا سار

يزيد لوعتى حسرة

فى تيه دلالها اسرح

فلا القى سوى مره

وتهت فى عشقها لكن

رجعت مرة اخرى

يارب اسالك التقى

يارب اسالك التقى

يارب اسالك الصلاح

اغفر لعبدك ان عصى

فى السر واعفو ان اباح

عجبا لعبد قد سال

كيف السبيل الى الهداية

والكون ينطق معلنا

آية من بعد آية

يا رب أملى فى الحياة

ألا أكوان سوى لذاتك

إن كنت قد اذنبت يوما

فالعفو من بعض صفاتك

ياربى أعلم اننى

اما عاص او مقصر

ياربى اسالك النجاة

واغفر لعبدك ان تعثر

النفس كانت تائهه

هامت وسبحت فى الظلام

والروح فى كرب تنادى

كيف السبيل الى السلام

أنا ما شعرت براحة

الا فى لحظة الاقتراب

إذا ما دنوت تنفست

روحى وفى البعد العذاب

يارب ثبتنى إذا

ما تقلبت القلوب

ًوأجعل لنفسى أوبة

املا لعبد كى يتوب

واكتبنى يا ربى تقيا

واجعلنى دوما فى رحابك

واحفظنى يا ربى واهلى

أنا الضعيف أمام بابك

يا ربى ما اغناك عنى

عبد فقير والملك لك

يا ربى قد عجزت حواسى

فكيف تدرك من خلق

إن كنت ما ادركت كيف

الروح تسكن فى الجسد

وكيف تتركه وتاتى

فكيف أدرك الصمد

ذاك حالى يا الهى

عبد ضعيف فى فضائك

إن دنا فالسعد حاله

وإن بعد فالحال هالك

ايوه بتشوفك عنينا

ايوه بتشوفك عنينا

بتهمسى والعين حزينة

لو نسينا فكرينا

انت ليه ما بتضحكيش

كلنا بنسال عليكى

وقلوبنا بتناديكى

نفسنا نهدى عنيكى

ضحكة حلوه ماتتنسيش

بتفكرى ليه فى اللى سابك

وبتنسى اللى دق بابك

مهما شفنا من عذابك

برده انت ما تهونيش

نفسنا تتغيرى

وفى حياتنا تفكرى

ايوه انت تقدرى

قومى ليه ما تجربيش

يا هوا بنتنفسه

يا احلى لحن بنهمسه

وطن قلوبنا تحرسه

حسى بينا ماتبعديش

نفسى اشوفك تبنى مجد

رغم ياسك احلى ارض

لو قدرنا فراق وبعد

غير هواكى ايه يعيش

عاهدت نفسى

عاهدت نفسى وقلت كتير

يانفسى لازم اتغير

ومش هبقى لخوفى اسير

ولا باوهامى هاتاثر

ولما جه وقت التغيير

لقيت نفسى بقى قصير

لا عارف اسيطر على نفسى

وغيرى على بيسيطر

بقيت منظر فى وسط الناس

وجوايا مفيش منظر

ساعات بحس

ساعات بحس

انى فى الدنيا غريب

وانى وسط المخلوقات

كائن عجيب

اوقات بحس انى خايف

من كل شئ

نظرة عيون المحرومين

همس الشفايف

جوه ليل اعمى حزين

مع انى كنت فى يوم جرئ

ساعات بحس

ان احلامى فى الدنيا سراب

وان عايش وسط غيم

لما بهرب منه

القى فى وشى ضباب

كثير بحس ان دى مش دنيا

واننا عايشين فى غابه

الضعيف والشريف

واللى ملهوش حد

بتنهشهم ديابه

هو ليه قلبى مش قادر يحس

حاجه حلوه فى الحياه

ليه دايما حاسس انى بغرق

والقى فى نهايه طريقى

طوق صغير للنجاه

اكتئاب يا خلق ولا

ده خيال ولا الحقيقه

اننا عايشين فى غابه

للثعالب والديابه

ومفيش قلوب بريئه

اغمضى عينيك لحظه

اغمضى عينيك لحظه

تخيلى انى امامك

انا لست احيا بدون حبك

وبدون قربك قلبى هالك

تخيلى لما اراكى

تضئ شمسى والنجوم

ويذوب قلبى من حنينى

ويدوم احساسى يدوم

انا كنت لما اراكى يوما

تظل روحى هائمه

وعيونك اذا ما اطلت

تضئ دنيا مظلمه

تخيلينى ولو للحظه

ساكنا بجوار قلبك

ان لم تريدى منى حبى

يكفينى ان ابقى بقربك

هل تذكرى لما نظرتى

الى اول مرة

ظللت ابحث داخلى

عن مغزى تلك النظرة

كنت ارانى فى الوجود

شخصا فقيرا معدما

فكيف بضياء ونور

ينظر الى هائما

هل تذكرى يوم الفراق

انا لا انساه من سنين

نظرت خلفى وجدت

انك ايضا الى تنظرين

كان حلما عشته

وظننت انه مستمر

يافرحة سكنت ضلوعى

لما صار دمعى منهمر

يا فرحة جاءت وغابت

ولست ادرى ما السبب

فى ظل روحك

روحى عاشت

وبعدك قلبى اكتئب

من كتر منا خايف

من كتر منا خايف

بقيت اسير الخوف

قصه يادوب تبتدى

اتوه عن المالوف

وكانى مش عارف

ان الختام معروف

تخيل لو مفيش

تخيل لو مفيش

بعد الموت حساب

مفيش عذاب لقاتل

مجرم من غير عقاب

واحد مسكين فقير

اتشرد واتظلم

واولاده الغلابه

داقوا مرارة الالم

وانسان كان مسالم

بيحلم بالامان

اقرب واحد اليه

فجاة خدع وخان

وكانت النهاية

بعد الخيانة موت

جثة اندفنت وراحت

ياما اتقفلت بيوت

صاحبه اجوز مراته

ونسيوا الذكريات

وفلوسه بقت فلوسهم

يا حسرة على اللى مات

طفل صغير بيلعب

بالكورة فى الطريق

ويا خواته وصحابه

والواد ده كان برئ

وهما بيلعبوا

انفجرت قنبله

دى جت منين وليه

مش دى المسالة

فجاةاتقتلت براءة

وليه؟ من غير سبب

حروب قتل ودمار

وبراءة بتغصب

وشاب جميل صغير

بيحب بنت حلوه

امنيته فى الحياة

ورده ودبله وغنوه

فى ميعاد الارتباط

اليوم ده كان مفاجاة

فى خناقة بلطجية

مات الولد ده فجاة

ودة بس كان معدى

وملوش فى الامر شئ

عايز ينقذ فتاة

صرخت على الطريق

ارهاب فى كل شارع

وقتل على الهويه

تلقى نهاية الحكاية

مظلوم من غير قضية

وكل يوم نشوف

حوادث اغتصاب

عايز تشوف جريمة

قوم افتح اى باب

من فضل الله علينا

بعد الغروب شروق

وبعد الموت حياة

ترجع فيها الحقوق

ما اعدلك يا ربى

اقسمت بالقلم

فيه للظالم عذاب

ونجاة للى اتظلم

وأنا غضبان

وأنا غضبان

بشوف نفسى

أسير يأسى

شبح إنسان

أقول الكلمة

وأتندم

وياريت بس

أتعلم

برغم محاولة

الكتمان

تثور جوايا

أفكارى

وتهرب كل

أسرارى

يثور بركان

شعورى

لازم أتغير

وزى ما عمرى

بيعدى

لازم أكبر

فى تفكيرى

وأقدر كلمتى

لغيرى

وأكون إنسان

وجع الذكريات

اه يا وجع الذكريات

حد عزيز على مات

تبكى عينى على اللى جى

ولا تبكى على اللى فات

نفتكر لحظة وداع

الكلام يصبح سكات

الحروف من غير معانى

عايزة تلقى مسميات

اللى نحلم بيه يضيع

واللى نصبح فيه نبات

ا لدموع فى العين حزينة

والفرح فى القلب مات

ضحكه حلوة وكلمة منك

كل ده بقى امنيات

احنا ايه فى الدنيا دى

غير شوية زكريات

ارى ان الدنيا لا يدوم

ارى ان الدنيا لا يدوم

الفرح فيها ولا الهموم

يوما تراه مشرقا

يوما تغطيه الغيوم

يوما تدعه ناسيا

يوما له ذكرى تدوم

ارى ان الدنيا خادعة

توحى وتغرى بالبقاء

تظن انها لن تزول

والاصل فى الدنيا الفناء

حتى النعيم بدارها

حتما سيمضى الى انتهاء

ارى ان الدنيا لن تمر

دون ابتلاء واختبار

فيها مؤمن قد صبر

قال ليست لى بدار

وفيها من تبع الهوى

فهوت به الى دمار

ارى ان الدنيا لن تكون

ابدا لبشر مستقر

ان ذاق يوما منها شهد

فغدا يذوق منها مر

فيها من فرا اليها

وفيها من منها يفر

يكفينى ان انظر الى

يكفينى ان انظر الى

عينيك فى وجه القمر

او ان اشم عبيرك

فى نسيم ليل ينشطر

دوما اراك ترحلين

والقلب ياسا ينتظر

ان كان قدرى هو الفراق

يكفينى ان اسمع خبر

يكفينى منك نظرة

تؤنسنى فى ليلى الحزين

يا سؤل نفسى والمنى

يا فرحة تمحو الانين

انا لست ادرى من انا

كيف بربك تشعرين

كيف بربك تصبحى

وكيف تمسى تضحكين

وضنين حبك قد مضى

بين الخيال والسراب

ليل حزين ما انقضى

والفجر يكسوه الضباب

ضاعت الايام منى

والشيب يبكى على الشباب

القلب ذاب من الحنين

والعقل قد الف العذاب

سبح فيها وابتعد

سبح فيها وابتعد

وهى ايام تعد

بعد ان غاص وتاه

شاء قلبه ان يرد

غير ان الموج حال

والغرق قد صار وعد

بحث عن من ينقذه

ما وجد عونا او مدد

بعد ان ظن الهلاك

والروح صارت ترتعد

صار اليقين بداخله

لا نجاة بدون عهد

نادى فى الظلمات ربى

كيف ينجو من بعد

سمع صوتا داخله

بان لا تقنط او تسد

بابا لعفو او رجوع

من عرف ربه قد سعد

انت عندى الاجمل

انت عندى الاجمل

بين نساء الارض

انت الحب الاول

انت مذاق الشهد

انت لقدرى قدرى

لا بل انت الوعد

انت لروحى روحى

انت لعمرى السعد

انت لعينى نور

يبعد بعد البعد

وشعاع مسحور

ينبعث من الخد

انت احلى نسيم

فيه رحيق الورد

اما القلب اصابه

سهما لا يرتد

انت كل حياتى

ما من حبك بد
بعد ما مرالزمان

بعد ما مرالزمان

وتبدلت كل الملامح

لمحت طيف حبيبتى

فسالت قلبها ان يسامح

نظرت الى فى زهول

وهى تسال نفسها

من انت ظنى اعرفك؟

والدمع يكسو عينها

قلت انا الماضى الحزين

انا السجين بلا اجل

لما رايتك من بعيد

جئت يسبقنى الامل

لم انس وجهك مطلقا

رغم مرور تلك السنين

فهو محفور بقلبى

والقلب مفعم بالحنين

انا من تسبب فى عذابك

من جعل حبك ذكريات

من ترك حبه للعواصف

وصار فى الدنيا رفات

انا من تمنى ولو للحظه

ولو بحلمه ان يراكى

انا من تبدل حاله

ترك الفرح والقلب باكى

نظرت الى فى وجوم

ولم تحرك ساكنا

ما كان منها غير كلمة

ما كان ليس ممكنا

فى لــيلة مظـلمة

فى لــيلة مظـلمة

ظللت أنظر للسما

سألت نجما قد دنى

لمـــا الحــياة مؤلمة

دارت عيونى فى الفضا

بين الكواكب والسدوم

سألــت نجما قد بدا

لما السعادة لا تدوم

بعد إنتظارى لاجواب

والفجر يكسوه الضباب

سألت عينى هل ترى؟

ردت بان النور غاب    

وجــدت نفسى تائهه

سألت قلبى عن الطريق

رد بأن الموت قادم

آن الاوان لتستفيق

إعـلم بأنها زائله

وبأنك حتما مفارق

تلك الذنوب الهائله

تذهب معك والمال تارك

تحـــيا حـياة بائسة

مع المعاصى والذنوب

والروح تبدو يائسه

آن الأوان ان تتوب

مع كل ذنب تجد الم

والعين يجذبها الضياء

رغم الشباب و النعم

الروح تحيا فى شقاء

لن ترى عينيك جنة

الا إذا كانت فى قلبك

فالجسد مثواه التراب

والروح تحيا بنور ربك

اقتلنى لا تتركى حيا

اقتلنى لا تتركى حيا

كى تملا الارض سعاده

كى تمللك الدنيا مليا

اقضى على بلا هواده

اقتلنى لا تتركنى حيا

كى لا اقاسمك الحياة

اجعل غيابى ابديا

كى تنحنى لك الجباه

اقتلى لا تتركنى حيا

فانا اخالفك الهوى

حتى وان كنا سويا

بدمائنا النيل ارتوى

اقتلنى لا تتركنى حيا

فانت فى الدنيا ملاك

تملك الوجه البهيا

اما انا بين الخلائق

لست الا غوغائيا

الشجاع بيموت

الشجاع بيموت

والجبان بيموت

اللى صوته اتكتم

واللى عيشته عدم

واللى طلعله صوت

اللى قال الحق

واللى دخل الشق

واللى كلامه سكوت

اللى حب الحياه

واللى قبره ناداه

واللى كره الموت

الدنيا لابسه الزينه

متزينا بامانينا

ودايره فى الملكوت

احزان كتير جوانا

بنعيشها؟ لا عايشانا

بالجبر والجبروت

فى ناس قتلها الهم

فرحة بلون الدم

بس النهاية موت

مات الفقير

مات الفقير بن الفقير

ترك الحياة بلا وداع

مات الطليق والاسير

مات الضعيف والشجاع

مات من عانى كثيرا

من الألام وما اشاع

مات من لم يبقى شيئا

مات من شبع وجاع

رحل من لم يؤذى احدا

بلا ضغينة او صراع

رحل من عرف الحقيقه

عاش الحياة بلا متاع

ما اشقى روحى بالفراق

ولينسى قلبى ان استطاع

يا ظلمة القبر ارفقى

وابكى يا عينى بلا انقطاع

يا من تعلق بالحياه

يا من تعلق بالحياه

وظن انها مبتغاه

وبنا قصورا شاهقات

من خيال فى الحياه

يا من تصورأنها

ستبقى ابدا لن تزول

تلك الامانى كاذبه

ان ادركت فهما عقول

يا من تخيل واهما

تلك الحياة باقيه

اين الاباء والجدود

اين العظام الفانيه

العمر حتما ينتهى

حتى وان طال المدى

تلك السنين ستنقضى

فيها ضلال او هدى

لا تترك الايام تمضى

وتضيع انفاسك سدى

وقل يا ربى اهدنى

ونجنى من العذاب

فالباقيات عند ربى

ونعيم دنيانا سراب

ياربى اسالك النجاه

من العذاب والجحيم

ياربى انت المقتدر

وانت بعبيدك رحيم

ياربى كن عونى وسندى

وملاذى فى تلك الغيوم

حتى اعود الى رحابك

تاركا كل الهموم

يامن إذا وعد وفى

يامن إذا وعد وفى

يا من إذا سٌئل أجاب

عبدا ضعيفا قد رحل

إرحمه ربى فى التراب

إرحـــم فــقيرا يا غنى

سمع نداءك فاستجاب

أبدل ظلام القبر نور

وأعد له عمر الشباب

أبدله بالحزن سرور

وأعذه ربى من العذاب

ياخــــير مـنزول بــه

هو فى جوارك والرحاب

بك أستغيث يا قوى

ثبت أبى عند الحساب

يامن له العقل سجد

يامن له القلب أناب

إنظر له نظرة رضا

وانجز له حسن المآب

ياربـــى أحسب أنه

كان يخافك والعقاب

ياربى آنس وحدته

وافتح له للعفو باب

لما زهدت الحياة

لما زهدت الحياة

وسئمت كل البشر

لما ضللت الطريق

وزاغ منى البصر

وصارت الايام

من بعد عين أثر

لما نسانى الامل

وسكن قلبى الياس

وشربت ماء الالم

الكأس بعد الكأس

وسرت خلف الهوى

جسدا يجافى رأس

لما نظرت أمامى

ما وجدت غير القبر

رأيت أمرا جلل

فياله من أمر

فبعد طول الامل

لم يبقى عندى عمر

لسواك من الجأ

مالى سواك مجير

فبعد طول البقاء

عمرى اليك يسير

انا ان اردت الهروب

اليك انــت المصير

أرانى لا ارى شيئا

أرانى لا ارى شيئا

كأنى فقدت ادراكى

فضاحك

حاله يبكى

ومظلمة بلا شاكى

وذو رأى يرى أمرا

أراه يزيد ارباكى

أرى ذا الجهل فى رغد

وذو عقل يبت باكى

أرى من ظلم فى ستر

ومظلوم بلا واقى

أرى فى الصبح نور الحق

واعد ليلا باخفاقى

حوادث هذه الدنيا

أصابتنى بانهاك

كأن الدنيا فى عينى

ظلام فوق اشراق

ساعات بحس

ساعات بحس

انى فى الدنيا غريب

وانى وسط المخلوقات

كائن عجيب

ساعات بحس انى بخاف

من كل شئ

نظرة عيون المحرومين

همس الشفايف

وسط ليل مظلم حزين

مع انى كنت فى يوم جرئ

ساعات بحس

ان احلامى فى الدنيا سراب

وانى عايش وسط غيم

لما بهرب منه

القى فى وشى ضباب

كثير بحس ان دى مش دنيا

واننا عايشين فى غابه

الضعيف والشريف

واللى ملهوش حد

بتنهشهم ديابه

هو ليه قلبى مش قادر يحس

حاجه حلوه فى الحياه

ليه دايما حاسس انى بغرق

والقى فى نهايه طريقى

طوق صغير للنجاه

اكتئاب يا خلق ولا

دا خيال ولا الحقيقه

اننا عايشين فى غابه

للتعالب والديابه

ومفيش قلوب بريئه

بين الامل والالم

بين الامل والالم

كم الف قلب اتظلم؟

بين الكلام والصمت

كم الف صوت اتكتم؟

كم الف طفل برئ؟

من الامان اتحرم

بين الرجاء والخوف

قلب حزين حيران

ودمع عين محبوس

خايف من النسيان

واحد فى وسط النار

بيقول انا انسان

بين الميلاد والموت

احداث كثير بتمر

الحزن فينا يعيش

والفرح فيها يمر

نيجى ندوق شهدها

أحلى ما فيها مر

أيهما افضل عند الله

أيهما افضل عند الله

أيهما أثقل فى الميزان

أيهما أعلى تقديرا

اذا قيمناه كانسان

هل هو عبد الله

أم انه عبد الرحمن

أيهما اكثر حجه

من يحمل معه الفرقان

من منهما قدم برهانا

فى يوم او حدث ببيان

من منهما يحمل صكا

لدخول الجنة دون استئذان

لما كلا منهما يتمنى

لاخيه سوط السجان

أو أن يمحوه من الدنيا

ويجعله فى طى النسيان

فى رأى أن الاثنين

قد فقدا قيم الانسان

حياكى الله

حياكى الله وحماكى

وسلاما من قلبى الباكى

يا بلدا كانت فى الماضى

افضل الهام للحاكى

ملعون فى كل كتاب

من فكر يوما واذاكى

من بين وجوه الاشرار

من صوب سهما ورماك؟

اشتقت اليك فى الغربه

وعدت اليك باشواقى

فوجدتك يا مصر حزينة

ودموعك ملئ الافاق

ما اصعب ايام المحنة

ما اشقى قلبا يهواكى

لما صرنا نبكى اطلالا

عودى لاحضان راعاياكى

سنعود الى رحابك حتى

لو سرنا فوق الاشواك

يا حلما داعب ايامى

كيف لمفتون ينساكى؟

يا وطنا يسكن احلامى

أتمنى يا مصر لقياكى

اشعر بالغربة فى وطنى

اشعر بالغربة فى وطنى

اشعر بالوحشة بين الناس

وكان الدنيا فى عينى

احساس ينسخه احساس

وكانى فى الدنيا اعانى

من حلم قاس يزعجنى

اتمنى لو اصحى منه

لكن من فيها يوقظنى

وكانى فى الدنيا غريق

بحبال الماضى يتعلق

يحملنى الموج ويقذفنى

ولكم اتمن ان اغرق

امضيت حياتى فى شك

تائه فى بحر من مر

العين كالقلب تبكى

احساس بالغربه يسرى

النور فى عينى يسحرنى

والظلمة فى روحى تسكن

اوردتى تحمل للقلب

نارا فى التو تتمكن

منه فيحملها لاعضائى

احساسا بالغربة قاس

ينزعنى من نفسى دوما

يجعلنى من غير اساس

يرمينى فى بحر من شك

يتركنى لكى القى مصيرى

لكنى لا املك ابدا

تمييز الظلمة من نور

هيهات يا قلبى ان تسكن

هيهات يا روحى هيهات

فاعمر الغالى قد ضاع

ما بين انين واهات

هل تعلمين

هل تعلمين حبيبتى هل تعلمين

انى لاجلك قد طويت لك السنين

انى احبك ليس مثل العاشقين

انى أذوب فلا ارانى

لما اراكى تضحكين

هل تعلمين حبيبتى هل تعلمين

انى اراكى مثل شمس تشرقين

فالبدر منكى يستمد ضيائه

والنجم خجلا خلف نورك مستكين

هل تعلمين حبيبتى هل تعلمين

أنى اراكى فى السماء تغردين

هل يا ترى طير برئ ام ملاك

أم انك بين السحاب تسبحين

هل تعلمين حبيبتى هل تعلمين

انى احبك دونما بى تشعرين

لما اراكى يكاد قلبى ينتفض

واذا رحلت يكاد يقتلنى الحنين

يا صحابة الرسول

يا صحابة الرسول

انتم هدى لنا ونور

انتم ضياء فى الطريق

اضاء دنيانا عصور

يا أصحاب المصطفى

الوفاء لمن وفا

كنتم ظهيرا فى الشدائد

كنتم نسيما فى الجفا

يا مصابيح الهدى

يا قطرات الندى

ستظلوا دوما فى القلوب

حتى وان طال المدى

يا صاحب الفضل العظيم تكرما

يا صاحب الفضل العظيم تكرما

اغفر ذنوبى واستجب لدعائى

يارب جئتك بعدما غلب الهوى

جئت وحيدا مستعطفا برجائى

كم من ذنوب فى الخفاء فعلتها

والناس تحسبنى من الفضلاء

اثر الخطايا فى الفؤاد يهزنى

لم يبقى لى الا الامل وبكائى

يارب عفوا عن ذنوبى تفضلا

قبل انقضاء الوقت قبل فنائى

من لى سواك ياالهى ابثه

همى وحزنى ومن يجير بلائى

عجبا لقلب لايئن

عجبا لقلب لايئن

وهو يرى سفك الدماء

وينام نوم المطمئن

واخوه يقتل بالعراء

تبكى عيون المخلصين

وطنا يمزقه الغباء

فكل ما تراه عيونى

يقود وطنى للفناء

اسفا على روح تنادى

يا قاتلى الى لقاء

ظلمتنى فى الارض لكن

ربى وربك فى السماء

من انت

من انت يا من ببسمتها

فتحت قلاعى واستباحت

نبض قلبى وخاطرى

وبسحر نظرتها

خلعتنى من نفسى

انستنى امسى وحاضرى

من انت يا من اذا ذكر اسمها

فاض اشتياقى والحنين

وسال دمعى والمطر

وان فى قلبى الانين

ووجدت نفسى

دون ان ادرى اسير

تلك العيون الحائره

تلك الرموش الثائره

وذلك القلب الكبير

من انت يامن خاطبتى دمعى

وملئت سمعى وملكت احساسى

وبدون ان ادرى

دخلتى صومعتى ولمستنى

وصرت ملئ انفاسى

من انت يا من

قابلتى روحى قبل اللقاء

وشغلتى فكرى وسكنت قلبى بعد اللقاء

هل انت بشر مثلنا

ام انت ملك فى السماء

لا لست بشرا مثلنا بل انت نور

انت ضياء وشذى عطر الزهور

انت ملاك حولنا ولنا يدور

طير برئ انت

بين النجوم تحلقى

حلم بعيد انت

بل انت بعد المشرق

وكيف لى انا يا حبيبه

للسماء ارتقى

اذا ما ضاقت الايام

اذا ما ضاقت الايام وانتفضت

صروف الدهر فى وجه الامانى

اذا ما ضاعت الاحلام وارتعشت

ايادينا واظلمت المعانى

اذا ما ذادت الاوجاع وانتشرت

بثور الحزن فى الوجه الكئيب

اذا ما صرت فى الدنيا وحيدا

اذا باع الصديق والحبيب

اغمض جفونك عل الصبح ياتى

ففى وسط الظلام ياتى بريق

ولا تجزع لان الموج عات

فى عمق البحر قد ينجو غريق

لما يبقى الدم سايل

لما يبقى الدم سايل

ومشاهد القتل عاديه

لما تبقى الروح رخيصه

تحت رجل البلطجيه

يبقى انت اكيد فى مصر

بس مصر اكيد ضحيه

لما تبقى ناشط سياسى

ومعاك الاعداديه

لما تبقى ساقط حقوق

واختصاصك دستوريه

يبقى انت اكيد فى مصر

بس مصر اكيد ضحيه

لما تبقى بالف وش

لما تبقى بالف نيه

لما يبقى كله غش

والحقيقه مداريه

يبق انت اكيد فى مصر

بس مصر اكيد ضحيه

لما يبقى الكل مجرم

وعليه المسؤليه

لما يبقى الحق ضايع

لما دمك يبقى ميه

يبقى انت اكيد فى مصر

بس مصر اكيد ضحيه

الحقيقه ان مش كل البشر

الحقيقه ان مش كل البشر

بشر

وده مش تصور

ده خبر

فيه ديابه لابسين ثوب البشر

وبيضحكوا على الغلابه

ويمصوا دم اللى صبر

وده مش تصور

ده خبر

وفيه ثعالب بيلبسوا ثوب البشر

وشه برئ

وجوه قلبه 100 حجر

واهو اسمه فى الاخر بشر

اللى بيقتل ده بشر

واللى بيفرح لما بيشوف الضحيه

تبكى وتصرخ من الازيه

ده بشر

لو الحجر ينطق

كان قال لنا ما تقولوش قلبه حجر

ليه تظلموا بس الحجر

على شاطئ البحر وحدى جلست

اقص على الموج اصل حكايتى

الام واحزان واشجان وحسرة

واشلاء قلبى وبقايا مهجتى

ونداء روحى بالحب لروح

تركتنى وحيدا اقاسى لوعتى

وضنين قلبى فى دنيا قاسية

فاه وحسرتاه على على غربتى

اغمضت عينى وحلمت انى

ارانى منك واراكى منى

وحلمت انك يا حبيبتى

طيرا يغنى

وفتحت عينى

فوجدت انك تسكنى

فكرى وظنى

محمود يونس احمد

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى