السبت ٧ أيار (مايو) ٢٠١٦
بقلم محمد محمد علي جنيدي

على ضى القمر

على ضى القمر كنا زمان بنحب
زمان كان للهوى معنى وإحساس قلب
وعشنا أد ماعشنا ودوبنا أد مادبنا
وكان يرضينا نتقابل بشوق وحنين
وكنا كتير بنتواعد بنظرة عين
كدا من غير خصام بنا ولا كلمة وداع وسلام
كدا حكم القدر فينا يكون اقوى من الأيام
جرى لنا إ يه بعدنا ليه
على ضى القمر كنا
زمان بنحب
 
بفكر فى ليالينا ليالى الحب والأحلام
واقول يارب كان لينا هنا بنا لقا وكلام
ودى النسمه اللى وياها سوى ضمينا فرحتنا
ودا النبع اللى هنانا معاه كانت بدايتنا
ودا ضى القمر لسه بيسأل فين حبايبى فين !؟
بعت نوره مع النسمه تونسنا بقاله سنين
كدا من غير خصام بنا ولا كلمة وداع وسلام
كدا حكم القدر فينا يكون اقوى من الأيام
جرى لنا إ يه بعدنا ليه
على ضى القمر كنا
زمان بنحب
على ضى القمر هبقى على ذكرى أعيش فيها
ومهما تمر ف. بعادنا سنين هفضل أراعيها
دا باقى ع. الغصون كلمة بحبك، ياما قولناها
ورسمة قلب عاش بنا ليالى كتير سهرناها
أنا مانستش أيامك حبيبى ازاى تتوه عنى
ولا انت ف. يوم شكيت حالك وعشت سنين تطمنى
كدا من غير خصام بنا ولا كلمة وداع وسلام
كدا حكم القدر فينا يكون اقوى من الأيام
جرى لنا إ يه بعدنا ليه
على ضى القمر كنا
زمان بنحب

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى