السبت ١ شباط (فبراير) ٢٠٠٣
بقلم عادل سالم

آه لــــو تعــــرف

ليه يا صديقي بتسأل ليه

مش رح تعرف بعشق ليه

لما تنام وغيرك يسهر

يكتب شعره في اللي ينور

آه لو تعرف بعشق ليه

كنت تجرب مثلي وأكثر

آه لو تعرف رمش عينيها

اللي بغمزة بتسحر

أو شفايفها اللي بوستها

دايما تسكر

ولا خدودها اللي الورد بياخد

منها اللون الأحمر

آه لو تعرف !!!!!

* * * *

آه لو تعرف سر الحب

لما بيدخل جوا القلب

آه لو تعرف

كنت تجرب

ولا تسألش ازاي بتحب

* * * *

آه لو تعرف ليه سرحان

ليلي نهاري أنا هيمان

شارد فكري

دايماً بجري

ع اللي احتلت قلبي

وملكت عمري

وصرت عشانها

اكتب شعري

وبكتب غنوة حبي وقدري

وبرفع راية عاشق سَلم

لعنيها الحلوة أمري

آه لو تعرف


مشاركة منتدى

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى