الاثنين ١٩ كانون الثاني (يناير) ٢٠٠٩
بقلم فرغلى هارون محمد

أصحى يا عالم

خلى العالم كله يشوف

خلى الناس تصحى من النوم

كام بنى آدم ماتوا فـ لحظه؟

كام طفل أتقتلوا فـ كام يوم؟

أصحى يا عالم بص وشوف

آدى اللعب أهو عَ المكشوف

شعب محاصر جوه بيوته

والموت عَ الأبواب بيطوف

يخطف أب فى وسط أولاده

والأولاد بتموت م الخوف

أو برصاص الغدر الغاشم

دم الأطفال له موصوف

أصحى يا عالم بص وطل

شوف الظلم وشوف الذل

شوف شعب أتشرد فى بلاده

طفل ومات من غير أسباب

كان لسه بيحبى وفى مهاده

أيد الغدر أهى خدت الكل

أصحى يا عالم فوق م الغفله

كام طفل أندبحوا وكام طفله

والأمم المتحدة علينا

قافله عيونها عن أعادينا

مستقويه القلب علينا

وفاتحه أحضانها لجيش السفله

يا ابنى يا سايح جوه دماك

كل قلوب الحق معاك

عين المولى راح ترعاك

قاوم.. كمل.. وأحنا وراك

يا النصر نجيبه بأيادينا

وراياته ترفرف حوالينا

يا شهاده مكتوبه علينا

وفى الجنه هانكون وياك


مشاركة منتدى

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى