الثلاثاء ٢٧ نيسان (أبريل) ٢٠١٠
بقلم محمد محمد علي جنيدي

راجع بإيه

جايِّلِّلي ليه.. راجع بإيه
ولسَّه لك دمع وحنين حايشُه ف. عنيك!
جايِّلِّلي ليه.. راجع بإيه
علشان تحسِّ بلهفتي وأشواقي لِيك
دانا كنت فاكره انَّك صحيح بتحبِّني
وكنت حاسَّه بصدق فيك بيشدِّنِي
ما عرفش ليه!
من غير ما حَتَّى ما اشُكِّ فيك
فوَّقتني..
من كلِّ أشواقي إليك
جيِّلِّلي ليه وراجع بإيه!!
جي لسَماح
وكسرت حُبِّ ما كنش مُمْكِن ينكسر
انس اللي راح
وابعد حبيبي مَعدش لازم تعتذر
بتلُمني ليه..
دانا ياما قلبي كتير عليك دارَى وْصِبِرْ
واهُو زاد عليه
غدرك وانا اللي عشت ليك أوفَي البشر!!
دانا كنت فاكره انَّك صحيح بتحبِّني
وكنت حاسَّه بصدق فيك بيشدِّني
ما عرفش ليه
من غير ما حتَّى ما اشكِّ فيك
فوَّقتني
من كلِّ أشواقي إليك
جيِّلِّلي ليه وراجع بإيه!!
آخر الكلام
العشره هانت بين قلوبنا والغرام
ولا عاد كلام
هيعُود بأشواقنا ولا كُتْر الملام
انس النَّدم وانس الخصام
واملا حياتك بالسَّلام
وان جيت ف. يوم حسِّيت بلهفة لبسمتي
ذكرى زمان هيَّه اللي فيها محبِّتي
دانا كنت فاكره انَّك صحيح بتحبِّني
وكنت حاسَّه بصدق فيك بيشدِّني
ما عرفش ليه
من غير ما حتَّى ما اشكِّ فيك
فوَّقتني
من كلِّ أشواقي إليك
جيِّلِّلي ليه وراجع بإيه!!

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى