ابن مصر

أنا ابن النيل ومهما اشقى هعيش قادر

أنا ابن أكتوبر الشاهد على الحاضر

يا ريت يللي بتسخر تقرا في الماضي

هتشهد حرفك الساخر.. كلام فاضي!!

وتعرفني وتعرف مصر ف.العالي

وتعرف إني مش هيأس على حالي

لا عمر الفقر خاد من همتي وعلمي

أنا الأغنى بفكري وصبري وبحلمي

ومهما اتعب أنا قادر أقف تاني

تاريخي وإسمي يمنعني أكون فاني

أنا المصري وعمر المصري ما قال آه

أنا ابن بلاد ما تركعشي لغير الله

عليك يا مصري تفخر إنك ابن لمصر

عليك تتباهى وتغني نشيد النصر