الأحد ٥ شباط (فبراير) ٢٠١٢ بقلم
مبارك يعترف
دخلت الرياسة
ونفسي أصلح
وتبقى بلادي
بسحر التقدم تفتح
وقلت
بلادي بلادي
وفي الحكم فترة
وبعدين أروح
دخلت الرياسة
حلا الأمر
كل مدا في الحلاوة يزيد
وأبهة
ومال بصرفه
دون حساب
أو قيود
لقيت الجميع
لأمري يطيع
بدأت أحب الرياسة
وكافيار كتير
في غدايا شفطته
وغيري أشوط
أو أجرّح
مبارك هنا الكل
والكل برضو هناك
وحلوتك يا حسني
وصورتي بكل مكان
ووزا تنحني
ووزا لملابسي تريح
عجبني الكلام
حكمت
بسيف الطوارئ
ولو حد مال
يكون سجنه أكبر حلال
وكله ياريس تمام
ورجل المعارضة أكسح
قتلت الصواب
وحولي كلاب
تهبهب
وتنهب
وفي الظلم تمدح
ونساني كتر النفاق
شكل شعبي
ولا كنت فاكر
ولا جاه خيالي
بأن ثورة ضدي تقوم
أو الشعب
يصحى من النوم
خربتها
أنا والحانكلة
حانكلة حانكلة
بمرتبة الشرف الأولى وامتياز
بمرتبة الشرف الأولى !!
قول
بمرتبة السرقة الأولى والخيانة
وبعنا دهب مصر
في الخصخصة
سعره بسعر القزاز
وكان الشريف
في الحكومة يمشّي
نولع في سيرته بجاز
وفقر البلاد زاد
وفاق الخيال
ولا شغل ممكن
ولا فيه لدور الكفاءات مجال
وكرسي الرياسة
عشقته
وفترة وفترة
وفترة .............إلخ
وثبّت وجودي
على الكرسي
زال اللي زال
ولا حكمي زال
وقلت ورايا
يجي الواد جمال
وشعب إيه
وكلام فاضي
دا الشعب حبة عيال
حسبتها غلط
لحد مكلت الزلظ
وطول مدة الحكم
أكبر عبط
خلعني
زهق شعب عدمان
بقى مارد الثورة حق
قعدت لوحدي
في شرم
وعايز يداريني شق
في ليلة حلمت
بإني رجعت
لحكم البلاد
عدلت
وصنت
حقوق العباد
وحشت الفساد
وسوزان لقيتها
من النوم
تصحيني لجل الدوا
سلامتك
ياريس
سلامتك يا حبي
خربنا تكية أبونا سوا
