الثلاثاء ١٩ آذار (مارس) ٢٠١٣
إسماعيل الحبروك
بقلم إبراهيم خليل إبراهيم

الشاعر الغنائي والصحفي والناقد

من المبدعين المصرين إسماعيل الحبروك الشاعر الغنائي والصحفي والناقد، وتقول سجلات مواليد محافظة البحيرة أنه من مواليد الخامس من شهر يناير عام 1925 في (أبو حمص).

في عام 1948 حصل على ليسانس الحقوق من جامعة الإسكندرية وعمل في الصحافة وترأس تحرير مجلة الجيل وجريدة الشعب وجريدة الجمهورية.

كتب في مجالات متعددة ففي القصة القصيرة قدم للمكتبة العربية أكثر من مجموعة قصصية منها: المكافح الصغير، والخيانة الزوجية، وبقايا عذراء، وامرأة بلا مقابل،وهاربة في الليل، أما في مجال الشعر الغنائي فقد كتب العديد من الأغنيات لنخبة من المطربين والمطربات فالعندليب الأسمرعبد الحليم حافظ غنى من كلمات الشاعر إسماعيل الحبروك: أول مرة تحب يا قلبي وتخونوه ومشغول، وكتب للموسيقار فريد الأطرش:تصبح على خير وحبيبي سهرني وبحبك مهما قالوا عنك ووحياة عينيكي، ولكارم محمود: يا فايتنى في حيره وداره قصاد دارى، ولفايزة أحمد:بتسأل ليه عليا، ولنجاة الصغيرة:أما غريبة وكل شيء راح وانقضي، ولمحرم فؤاد: يا حبيبى قوللى اخرت جرحى ايه واوعى تكون بتحب يا قلبى، ولسعاد محمد:يا ناسى ايامنا، ولفايده كامل: ياواد يا سماره،ولشريفة فاضل: امانه يابكره، ولنازك: ماتقولشى كنا وكان .
من الشعر الغنائي الذي كتبه نذكر قوله في ( أول مرة ):

أول مرة تحب يا قلبي
و أول يوم أتهنا
يا ما على نار الحب قالو لي
ولقيتها من الجنة
أول مرة تحب يا قلبي
و أول يوم أتهنا
يا ما على نار الحب قالو لي
ولقيتها من الجنة
أول مرة أول مرة
ليه بيقولوا الحب أسيا
ليه بي قولوا شقا ودموع ؟؟
أول حب يمر علي
قبل الدنيا فرح وشموع
ليه بيقولوا الحب أسيا
ليه بي قولوا شقا ودموع
أول حب يمر علي
قبل الدنيا فرح وشموع
أفرح وملا الدنيا أماني
لا أنا ولا إنت حنعشق ثاني
أفرح وملا الدنيا أماني
لا أنا ولا إنت حنعشق ثاني
أول مرة أول مرة
أول فرحة تمر بقلبي
وأنا ها يم في الدنيا غريب
ولا حكي ولا اخبي
ولا أوصفها لكل الحبيب
أول فرحة تمر بقلبي
وأنا ها يم في الدنيا غريب
ولا حكي ولا اخبي
ولا أوصفها لكل الحبيب
أفرح وملأ الدنيا أماني
لا أنا ولا إنت حنعشق ثاني
أفرح وملأ الدنيا أماني
لا أنا ولا إنت حنعشق ثاني
أول مرة أول مرة
قلبي يعيد لي كل كلامك
كلمة بكلمة يعيدها علي.

ومن شعره نذكر ماقاله تحت عنوان (ما تقولش كنا وكان) مايلي:

ما تقولش كنـّا وكان
يا ريت ده كله ما كان
يا ريت ما شفتك ولا عرفتك
ولا كان جمعنا مكان
بنيت عليك أحلام عمري
وانت ما فكرتش بيّ
ولا حتى مرة عشان خاطري
صعب عليك دمع عيني
خاصمتني وصالحتك
حيرتني وسامحتك
أديني اأهو ريـّحتك
ما تقولش كنا وكان
يا ريت ده كله ما كان
يا ريت ما شفتك ولا عرفتك
ولا كان جمعنا مكان
ياما غرامك ورّاني
ليالي تجري ورا ليالي
فاكرني أعيدها معاك تاني
وحياة عينيك سيبني في حالي
خليني أنسى هواك
وأنسى اللي شفته معاك
وكفاية نار ذكراك
ما تقولش كنا وكان
يا ريت ده كله ما كان
يا ريت ما شفتك ولا عرفتك
ولا كان جمعنا مكان.

ومن كلماته التي بعنوان (كل شىء راح وانقضى) نذكر قوله:

كل شئ راح وانقضى..
واللي بنّا خلاص مضى
بس وحياة اللي فات ..
واللي اصبح زكريات..
عمري ما حبيت ولا اتمنيت..
غيرك انت يا حبيبي
أيوة وحياة اللي كان بنا وراح ..
واللي مش قادره اصدق انه راح
عمري ما انشغلت عنك..
حتى لما زعلت منك..
غصب عني..
قلبي خدني وراح يصالحك
بس وحياة اللي فات..
واللي اصبح زكريات..
عمري ما حبيت ولا اتمنيت ..
غيرك انت يا حبيبي
أيوة وحياة اللي كان بنا وضاع..
واللي ما اعرف كان لقى ولا وداع
قلبي كان وياك في بعدك .
زي ما كان لك في قربك..
بكرة تندم.. لأ يا رب في يوم ماتندم
حب وافرح .. بس اوعى تاني تجرح
بس وحياة اللي فات ..
واللي اصبح زكريات ..
عمري ما حبيت ولا اتمنيت..
غيرك انت يا حبيبي

حصل الشاعر الغنائي والصحفي والناقد إسماعيل الحبروك على جائزة الدولة عن أحسن أغنية هادفة وأحسن مقال صحفي،ووسام النجمة المغربي وفي عام 1949 حصل على جائزة القصة من اذاعة لندن سنة 1949،وفي السادس عشر من شهر مارس عام 1961 رحل عن الحياة الدنيا إلى الدار الأخرة.


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى