الأربعاء ١٤ كانون الثاني (يناير) ٢٠١٥
بقلم بدعي محمد عبد الوهاب

إحنا شباب

قال إرهاب
قُلنا ومالو
د احنا عشانك
نقتل كل إخواني كدَّاب
بس يا سيسي تقدر تِوعد
لمَّا هنقتل
نبقى أحباب
 
وألا هتحلى السلطة ف عينك
تطمع فيها
واحنا نعيش ف دمار وخراب
 
أصل أنا شايف
كل أصحابك
ويَّا احبابك
حاشيه هباب
أصل بشوف إلهام تدعيلك
غصبٍ عنك الله يعينك
حِته وكانت مره شباب
مين راح ينكر
يا ما سمعنا آهات وعذاب
 
قول إيه رأيك ف وفاء عامر
عندها بيت بالصحبه أهو عامر
يا ما رجال مصر المحروصه
وقفوا طابور بالدور ع الباب
كتَّر خيرها الله يعينها
خلّت مصر يا ناس محراب
والله عشانها
زارت مصر كتير أعراب
 
قولِّي يا سيسي
صوتي بيخدع
وألا بيوجع
وألا أنا شاعر لسه شباب
أيوه بقولها
إحنا شباب
 
بص يا سيسي علينا شوية
د احنا شباب معجون بأسيَّه
كل الناس بتقول وتغنِّي
إحنا شباب مصر المنسيَّه
أصل بلدنا يا سيسي ف عهدك
تِرْكه يا شيخ لولاد حراميه
 
واحنا سلاح لعدوك جوّه
بينا هيضرب مصر بقوّه
إوعى تفكر
تلبس تاج مكتوب فوق آخره
صاحبه فتوّه
 
إوعى تفكر
تزرع فينا يا سيسي الخوف
د اللي الموت م الجوع بيطارده
عمره م يعرف قلبه الخوف
وبكره تشوف
وبكره تشوف
,,,,,,

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

الأعلى