عشان هبعد

عشان هبعد

هسمع كام غنواية جرح

وكام لحن فراق

أه..هتأثر

يمكن أبكي

ويمكن أحكي

عن حدوته ما كانت بنا

لكل الناس

أحكي لما بتيجي الساعه

يروح احساس

اللهفة...الأمان...الشوق

لما بفوق

من وهم اشاعه

(ان البعد بيجرح ناس)

..............

عشان هبعد

وخايف من ايام البعد

بفكر أيه هيكون بعد

الذكريات..الايام..الاحلام

بطوي الصفحة

وأرهق نفسي علشان انسى

لحد مانام

وصبح فاكر

أو بتداعي ان أنا مش فاكر

وهاجس حب

وهاجس فرقة

ونبضة قلب

ونبضة حرقة

وذكرى البحر

وذكرى الشجر

وذكرى العيد

لما بعيد

جوايا الذكرى

ببقى بعيد

عن هدف البعد

أحاسب نفسي

وأصبر نفسي

(على أي اساس)