الاثنين ١٦ آذار (مارس) ٢٠١٥
بقلم حسن خاطر

صحصح يا ابن آدم

(خلجات نفس مريض بالسرطان)

العمــر بيمـــــر يا ناس بـــــسرعة واحنا مش حاسين بيــــه
إعمـــــل الخيــــر يا ابن آدم واللي بتعمله في الآخرة راح تُسأل عليه
لن ينفعك ساعتهـــا دولار أو قـــرش أو دينــــار أو جنيــــــه
ولن ينفعـــك مركز صغير أو كبيــــــر أو حتى في الدنيا كنــت ايه؟
*** *** ***
الدنيـــا دوارة حــــبة تخليــــك فوق وحبــــة تكون فيها تحت
وفـــي ناس ما يبصوش ليك ولو انت في الأســــفل غــرقت ورحـت
ويسيبوك تبكي وما حــــدش يمسح دمعتك مهما بكيــــت ونــــُحت
واللي يضايقك أن ما حدش منهم يسمعك مهما قلـــت ومهــــما صحت.
*** *** ***
يا مـــا صحت ويا ما ناديــت وكـــتير بكيت وقلت كـام مليـــون آه
ما حــدش رضـــي يسمــع لي ولا واحد بكائي ونوحي من النوم صحاه
بكيـــت أكـــثر وقلت فينكم يا ناس وا حســرتاه عليكم وا حســـرتاه
لكن ارتاح قلـــبي لما لقيت نفسي ألوذ وألجأ للرؤوف الرحمن الرحيم .. الله.
*** *** ***
لو العمر جري بيك يا ابن آدم وكـنــت شاب أو كبرت في السن وبقيت عجوز
حاسب نفسك على اللي عملتــه من أخطاء في حياتك واحزن واضرب كام بوز
وفر إلى الله وتوب فصدقنـــــي الله وحده خيــر من إليه تلجــأ وتلوذ
وقول يا رب ها تلاقي باب التوبة مفتوح والخير جاي لك أكثـــر مما تـعوز.

أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى