الخميس ٧ حزيران (يونيو) ٢٠١٢
بقلم مجدي شلبي

مولد وحصانه غائب!

إتساقاً مع تطور الأمور حل التوك توك أبو ماتور محل الحنطور فى كثير من الأقاليم وانتشرت مع ظهور التكاتك ستيكارات أو شعارات وعبارات على كل شكل ولون والقاسم المشترك الأعظم منها يحمل معنى الخوف من الحسد!: (العين صابتنى ورب العرش نجانى) (يارموش العين سمى وصلى) (ماتبصليش بعين ردية بص للمدفوع فيه) (عينك يا ظالم) (دى مش شفر ولادبابة دى رزق الغلابة) (إرحمى ياعين دى جت بعد سلف ودين).. والبعض يكتفى بالمعوذتين فى إشارة واضحة لدرء الحسد والعين أما الصور المستخدمة فهى الكف والقدم والعيون والرموش!. تأتى فى الهوجة الثانية أسماء بعض المسلسلات والأغانى والأفلام!:(سوق العصر) (الحب كده) (دعاء الكروان) (ملك روحى) (ذئاب الجبل) (سماره) (سهر الليالى) (سندريلا) (الأفوكاتو) (زيزينيا) (سلام ياصاحبى) (أفريكانو) (المزاجانجى) (بنت الأكابر) (إتاخدت كتير) (شاولين).. إلخ أما الصور المستخدمة فهى القلوب والكيوبيد والورود والنجوم وعلامة صح ببنط كبير! ويرتدى البعض مسوح الحكمة والرشاد فيكتب (الصداقة معناها كبير) (الصبر مفتاح الفرج) (ماقل وكفى خير مما كثر وألهى) (دامت لمين؟!) (طول السفر ولاغدر البشر) (9×الخيـر ولاعشـرة فى الشــر) (ياعم ماشى ليه.... التوك توك بجنيه)..إلخ.... وصولاً لصيغ الوعيـــــد والتهديد! وأبرزها (إن عشت هاذلكم وإن مت ربنه يسهلكم)، (بطل غلاسة ياحمكشه والنبى)، (سواقى جبار بيخلى الأسفلت يولع نار)، (طول ماأنا غايب مالكوش أبداً حبايب)، (لو مابطلتوش كلام هابعها والله).. وآخر يكتب بمنطق معاكس: (قال أبيعها قال)،(ياسلام لو الناس تبطل كلام)، (إحنا الأصل والأساس بنحب كل الناس)!.. والصور المستخدمة تشكيلة أغربها الجماجم والسيوف! ثم تنحو الشعارات نحواً طريفاً آخر:(الدلوعة) (عاوز تتعلم الدلع تعال وأنا أعلمك) (يادلع دلع) (دلعنى ياأسطى فلان ياغالى ورجعلى جمالى) (إدلع على المطب أخوك فى الحب طب) (الحلوة ماشيه بتدلع) (إدلع ياأسد)!... أسماء الأبناء فتكتب بالعربى والإنجليزى وأغربها (التوأمان ـ حسن وحسام ـ ) (من كان رزقه على الله فلا يحزن ـ وترى السائق متجهماً ومكتئباً وحزيناً ـ! ) (رضا على كده) (لئن شكرتم لأزيدنكم) ـ ولايظهر للقناعة أثر على وجه الرجل ـ! (صلى على النبى، الحمد لله، سبحان الله، بسم الله، يقينى بالله يقينى) ـ والشراسة والعنف عند بعضهم وسب الدين مثل سلام عليكم! وفى عبارة موحية بالشماتة يكتب بعضهم: (راحت عليك ياحصان)!.. حقاً إنه مولد يادنيا التكاتك والكل شايف وساكت (أمان ربى أمان).. طيب ياصبر طيب.. مع الاعتذار!.


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى