خيال مَآته كلنا

عايشين!؟

لاء ميتين

معتش فى عقولنا حياة

معتش فى قلوبنا وطن

أحلامنا ماتت جوه منا

وكل واحد مننا

مستنى دوره ينسرق

زهور بتدبل م النزيف

وبتدفن ويا الجثث

فى حطام بيوت

واحنا شاغلنا

ازاى نطاطى

ازاى نبوس

كل الأيادى الماصه خيرنا

وطرح روحنا

ودمنا

معتش جوه الروح دى دمع

ومعتش جوها ألم!!!

بنعيش كده

والدم يخرج م الشاشات

يخذق عنينا

والموت بقى خفافيش وبوم

واقفين لنا

واحنا هنا

أو مش هنا

واقفين خلاص

جاهزين لكم

تعالوا ياله

واسرقونا

ومتخافوش

هتلاقونا فى انتظاركم

فرشين لكم روحنا طريق

ما احنا خلاص

 

خيال

 

مآته

 

كلنا