انتحار

بيغرق الدنيا

وف ثانيه

لقيتنى ع الكوبرى القديم

بافرك ايديا

وبانتظر

لو لحظه تيجى تشدنى

أصبح غريق

وماليش أثر

طعم المراره جوا قلبى بينكسر

وانا باستمع صوت المطر

على كف ايدى اللى انفرد

أرجع ولد

بيلم أمطار الغنا

ويا العيال

والامهات م الشبابيك القدام

تنده لنا

سكت المطر

رجعت أغانى البياعين

والايدين

رجعت تدوَّر ع الايدين

والفوانيس نورت

وبينفرط

عنقود دموع

على حافة الكوبرى الحديد