شلينى من قلقى

أنا وانتى بقينا خلاص

فى روح واحدة

بتسقيني من الفتنة

وبسقيكي

من المكتوب علي جبيني

خلايا النور بتجمع في عود ياسمين

وتاخد قلبي وتروح لك وبتبوحلك

وتحكي في سر مداري ورا الأحزان

وأقول يمكن هتصفي لى

تراعيني

دا أنا طرحك

سبيني أشرب حليب روحك

وألضم ريشة في جناحي

واكسر كل قضباني وأطير

أجيب الشمس قدامك

وأهدى للقمر نورك

سبيني أصرخ أقول كلمة

سبيني أقتل أنا خوفي

وأكتب لك وبحروفي

كلام عشقك

أنا ضلك ما تفتكري

وليه سيباني للأوهام

لا وخدانى كده فى سدرك

ولا على الجرح فطمانى

أنا راضع بها ضيك

تعالى شلينى من قلقى