عندما تكون جمانة مراد مذيعة

يرقص المايك طربا ونشوى لأنه يلتقي بشفتين .. كنصفي تفاحة أو نصفي رمانة

ولو هو نطق واتكلم ها يقول سيبونا يا ناس لوحدنا ما حدش ييجي ويقعد ويانا

دا أنا عاوز أرقص وأهز وسطي فرحا للكلمات التي بتخرج من شفايف حلوة نشوانة

صدقوني لو كان الأمر بيدي لخليت كل البرامج تقدمها الحلوة قوي .. قوي .. جمانة.

*** ***

في مذيعات يتحدثن والمايك بيصرخ وعاوز منها الخلاص والهروب والجري والفكاك

ولسان حال المايك بيقول للمعد أو المخرج يا سيدي أرجوك خلصني وخدني وياك

خلي البرنامج دقيقة والا إثنين بس وبلاش أكثر من كده أبوس إيدك أنا بأترجاك

دي مذيعة داخلة بالواسطة .. البيت ليها أحسن .. ما ينفعش حتى تبص من الشباك.

*** ***

في مذيعات اليومين دول الواسطة عاملة معهن مفعول السحر وشغل قوي وجامد

ما تعرفش من شكلها أو صوتها أنها أنثى اسمها حميدة وإلا راجل بشنب اسمه حامد

والمشاهد أو المستمع على مضض بيشوفها وهو قرفان وزهقان لكنه متحمل وصامد

ولو حصل وغلبه النعاس بسببها يشوف أحلام تقيلة وكوابيس وينام بجسد منهك وهامد

*** ***

لازم القنوات تختار مذيعات حلوة الطلة .. رقيقة المظهر .. جميلة الشكل والصوت

هو إحنا حا نقعد نشاهد برامج والا داخلين على حفلة تعذيب ممكن تنتهي بموت؟

دي المذيعة في بعض القنوات ناقص تطلع وتضرب كل مشاهد قلمين وكام شلوت

الرحمة حلوة يا ناس لا تخلونا نهجر التلفزيون ولا نشاهده .. ونقفله بالريموت.

*** ***

جمانة .. نانسي .. هيفاء .. يا سلام لو يخلوهن مذيعات ومقدمات برامج على طول

مش حا نقفل التلفزيون .. فلو قفلناه والجميلات فيه .. يبقى راحت فين يا ناس الأصول

دا الواحد ساعتها يبقى متحجر وما عندهوش حس ومتبلد المشاعر ومتوحش وكمان غول

ويبقى بالضبط زي اللي أمامه ديك رومي محشي باللوز ويسيبه ويروح يأكل طبق فول