حدوته بلـــكون

ساعات بمسي ع الشوارع

والحيطان

وابعت سلام

واسيب فوارق جوا قلبي

للي باقي

م الايام

واعيش عيشة الاراجوز

نفسي الضحكة تنط ق وشي

واسبني من عوجان البوز

ويبقى كل حياتي

اني

اصحى

وانام

..........

 

ساعات تكلبش جوا قلبي

لون كأبة

واقول اصبر

وتيجي الدنيا محملة

كل الخيابة

للامل..وللأحلام

وهمهم كلام مش مفهوم

واقول هعافر جوا البحر

بموجه الصعب

مع اني ناقص

حبة علام

ف العوم

ومركبة فكري

رافعه الشراع الابيض

ومسلمة لكل الهموم

واحلامي محمله عليها

وتجري وتعافر

بكيان مخروم

والاقي نفسي غرقانه

وتقع وتقوم

وتبعد نفسي من نفسي

ونتلاقى ف نفس اليوم

ولا هي تعرف

مين انا

ولا عارف دي مين

بتكون؟

قالوا عن افكاري

أفكار مجنون

واهي دنيا دايره

بمليون لون

وحبوا يسموا حدوته قلمي

مالقيت غير

(حدوته بلكون)