دبوس مشبك

دبوس مشبك

شبك

قلب بقلب

واكمنه جديد ع الحب

وجديد ع الغلب

جه بيشبك

قام شاكك وتره الصلب

فك رباط اللهفة

رباط الشوق

جه بيشبك تاني

لاجل القلب يوم مايفوق

لاقى ساعتها

ان ده صعب

.......

واكمن الشكة

جت محبوكة بربكة

اهتزت كل الاحاسيس

((خايفة

وضايع

وشايفاه

بايع))

وصبح الحب مابينهم

قصة كبيرة

كلها قلق

وجيت ادونها ع الورق

طلعت يجي مليون ورقة

عنوان قصة

(ده كان بيحبك)

فك الورق

م الطرف التاني

قمت ملصمه

بدبوس مشبك