الاثنين ٢٩ آب (أغسطس) ٢٠٢٢
بقلم حسن أحمد عمر

زفرتان قبل طلوع الفجر

روح المغامرة

روح المغامرة بتناديك
بتقول أنا بعشق هواك
حرر حياتك
من ظلامك
من قيودك من عماك
حزنك ده فكرة مكتفاك
عايشة بأنيابها معاك
مد الأيادى للأمل
ما تموتش من
يأس احتواك
إطلع بسرعة من هناك
واصعد وحتقابلك سماك
روح المغامرة بتناديك
بتقول أنا بعشق هواك

صحصح وقوم

أفكار جريئة كل يوم
بتهزني وتشدني
فوق النجوم
بتصحى حلمى المستحيل
وتصحصح القلب العليل
وتقولى قوم
أنا شمسك اللي منتظرها من سنين
أنا فجرك اللي جاي لك
يمحى الغيوم
بطل يكون اليأس خلك
خلى الأمل نورك وظلك
بكرة بتاعك
أوعى شىء تانى يذلك
فى اللحظة دى لا زم تقوم


أي رسالة أو تعليق؟

مراقبة استباقية

هذا المنتدى مراقب استباقياً: لن تظهر مشاركتك إلا بعد التصديق عليها من قبل أحد المدراء.

من أنت؟
مشاركتك

لإنشاء فقرات يكفي ترك سطور فارغة.

فيسبوك منبر حر للثقافة والفكر والأدب
تويتر منبر حر للثقافة والفكر والأدب
الأعلى