اربع حيطان
نسمة هوا
سقف معشق بالخشب
والمطرة لما بتبتدي
بتخاف على لون السما
يقلب سواد
بتخاف على شباك قديم
من غير ازاز
مكفاية احلامك
دي قايدة بلامبه جاز
........
الشمس لما بتبتدي ف الظهور
نور السما مش جاي حتى ناحيتك
حواليك مانعها الجناين والقصور
وانت لوحدك عايش جوا جنتك
جوا قلبك وف خيالك ألف نور
مهما علي وحجبه عنك الف سور
مهما طال بيك الطريق
وانكفيت من التعب
ميهز فيك اي شئ
لو حتى مين كان السبب
هات احلامك الفقيرة
اعمل بيهم مية حصيره
وبص لنفسك كل ماتكبر
ف ضي مياه النيل العذبه
وخطي العتبه
...........
ضاقت كل احلامك بيك
وسقفك م المية اهو باش
وجوا منك خوف ل ف يوم
صبرك عنك يوم ولا حاش
عنك ظالم
متلومش الدنيا متسألهاش
ربك عالم
ضاقت
ضاقت
ضاقت
الهوا حواليك مش موجود
روحك طالعه
قلبك زعلان من جواه
يأسك فرحان ف اللي جرالك
قول الله
وسلم حالك
...........................
السبت ٢٦ حزيران (يونيو) ٢٠١٠
