رباعيات 13
١٢ آب (أغسطس) ٢٠٠٩، بقلم علاء محارب
قلمى اللى كان سيفى منى فى غفلة اتسرق وكلامى من خوفى وسط المعانى اتحرق أنا كنت فارس فجأة لقيت نفسى ع الرف فى المولد جنبى عساكر ورق وعجبى!
١٢ آب (أغسطس) ٢٠٠٩، بقلم علاء محارب
قلمى اللى كان سيفى منى فى غفلة اتسرق وكلامى من خوفى وسط المعانى اتحرق أنا كنت فارس فجأة لقيت نفسى ع الرف فى المولد جنبى عساكر ورق وعجبى!
٣١ تموز (يوليو) ٢٠٠٩، بقلم علاء محارب
زأر الأسد فى الغابة: أنا وبس الملك أأمر يا دنيا تطيعى وتردى لمّا أسألك قالوا الأسد قادر وحامى عرشه الجان أنا قلت ياما ملوك شغّالة بالزنبلك وعجبى!
٢٢ تموز (يوليو) ٢٠٠٩، بقلم علاء محارب
وطنى رقيتك من السنين العجاف ومن سنابل جوع ومن سواقى الجفاف من الجراد اللى ف غيطانك عشّش ومن رؤوس أينعت بتطاطى للسياف وعجبى!
١٤ تموز (يوليو) ٢٠٠٩، بقلم علاء محارب
ليه بين الكلمة والمعنى يا ناس قواميس والكدب كاس المجالس والصدق ماله ونيس كم من كلام مغزول حراير طهارة وبطانته متنقرشة بوسوسات إبليس! وعجبى!
٧ تموز (يوليو) ٢٠٠٩، بقلم علاء محارب
صاحب مبادىء كان ومحترم إنما فى عصر أهل الطبل والدنيا متحزمه فضل مغمض عينيه ييجى تلتمية سنة لكنه فتّح أخيراً وم اللى شافه ..اتعمى وعجبى!
٣٠ حزيران (يونيو) ٢٠٠٩، بقلم علاء محارب
أنا المواطن عشوائى عبد الحىّ فى القبر ساكن، هناك فى آخر الحىّ باحلم فى يوم تطلع شهادة وفاتى قالولى لكن هوا انت أصلاً حىّ! وعجبى!
٢٤ حزيران (يونيو) ٢٠٠٩، بقلم علاء محارب
قريت كتير فى الفلسفة وعلم اللاهوت أصل الوجود والحقيقة وروح الموت ولقيتنى وأنا ماسك كل الخيوط وبشد حشرة بتتشرنق فى بيت عنكبوت وعجبى!
